عراقين

[كريم السفاح]

بسم الله الرحمن الرحيم

السلام عليكم ورحمة الله وبركاته

من ضفاف دجله وشموخ نخيلها

اهديكم هذه القصيده

******************** ******************** ****************

,,,,,عراقين,,,,,

عرقين طلكت بينه كثر ايام

وما فرع وطنه بساعة الشده

من حسين صبره وغيضه من عباس

ووسام الرضيع عللصدر شده

وتعال وياي خلنه انكلب التاريخ

ونشوف العراق بساعت الهده

من صاحو دخيلك ياعراق حسين

صحنه بصوت ابشر حكك انرده

جاهلنه انتفض والغيره فزت بيه

ذب اكماط روحه ومارضه بمهده

صاح ابن العراق وامي الزهراء

اخلي اشلون راسي يمس المخده

وبعضهم للااسف ماردو المعروف

رادو منوطنه الاجنبي يهده

وعذرآ ارد اسولف وكشف المضموم

وبينلك حدره شضمت البرده

اثاري عللدبك ياوسفه ملتمين

ولاواحد ضميره يحرك بوده

بنياب الحيايه احنه نعرف الاسموم

وماندري بشرنه سمومه بجلده

غدرني الجنت اشوفه بعيني اليه العون

كل ضنه اطيح واكعد ابسده

لاحملي ابزود اشيله ومااخف عليه

لئن ميطيح حملي وحيدر يسنده

,,,,,,,,,,,,,,,,,,,, ,,,,,

كريم السفاح