المساعد الشخصي الرقمي

مشاهدة النسخة كاملة : ادخل وعطني رايك



الحلوي طارق
18 -02- 2006, 05:52 PM
لاعاد تنشد مـا بقـى عنـدي علـوم
كـل العلـوم المبطـيـات تخبـرهـا
ماجيتك اشكي ميلـة الوقـت مزحـوم
نفسي ليا ضاق المـدى مـا اخسرهـا
يا صاحبي كنت أمس كنت أمس محشوم
واليـوم هـج بجيتـك واختصـرهـا
خلك بعيـد ابعـد مـن العـام لليـوم
وأدنى مـن أحـلام النجـوم وقمرهـا
بعض الكـلام اللـي تحلّيـه مسمـوم
ومـا كـل كـفٍ صافحتـك تغدّرهـا
كـم طيـبٍ ساقتـه الأقـدار لرخـوم
ويا كثر ناسٍ تنخـدع فـي صورهـا
والحر ما يشـره علـى خنعـة البـوم
الله رفـع شـانـه ووطــا قـدرهـا
لو جيتني كنك علـى الوجـه ملطـوم
بعض الخطايـا عذرهـا مـا غفرهـا
عندي تساوت هرجـة العـذر واللـوم
هذيـك مـا ابغاهـا وذيـك احتقرهـا
زلّه وعدت مـا حدتنـي عـن النـوم
مـرت سـلام وبـعّـد الله كـدرهـا
انا اعتبرهـا كبـوة حصـان ويقـوم
وانـت اعتبرهـا زي مـا تعتبـرهـا

جمال شمس الدين
23 -02- 2006, 12:16 PM
أحسنت وللأمام

الحلوي طارق
24 -02- 2006, 04:42 PM
استاذي جمال لك كل الحب والإحترام على مرورك الكريم دمت بخير
مع حبي

انا اسف
03 -03- 2006, 04:48 PM
تفكيرك رائع والنهج الذي تسير عليه أكثر من رائع
هناك ارتباط بين الفصيح والعامي في قصيدتك ...
والى الامام أخي طارق

الحارثي 15
05 -03- 2006, 06:50 PM
جيد واحسنت

إحساس صادق
06 -03- 2006, 10:40 PM
ابيات جميلة وذات معنى
لاتحرمنا من جديدك
وتقبل تحياتي