نمـــــــاذج ابــــــــــداعيه وايداعيه لشعراء عجيبين بالساحه

[النادر]

أخواني أخواتي اعضاء وضيوف هذه الساحه الشامخه ..
اسمحولي بأن أقدم بعض من النماذج العجيبه \ وكأنهم طرقوا أبواب ابداعات جديده .. أي أراضي عذرا

في زحام هذه الساحة الشعرية الممتلئه بالشعراء ( الانترنتيين والمجلاتيين وغير ذلك من الغائبين الحاضرين بالاذهان )

اسمحولي بأن أقدم يعض من الشعراء الذين اجبروا اقدامي للوقوف احتراما لهم ومن ثم للتمعن بهم

وبكلماتهم ..

بالطبع هذه المره أقدم لكم مجموعة من الشعراء مايسمّوا مرة بالحداثيين أو غير ذلك لكني لا أرى داعي للتقسيمات فالشعر شعرا ..

هناك القبيح والجميل ..فهلموا معي لشعراء فيهم أعاجيب المعاني تسبح بخيالاتهم ....

هنا شاعرنا خالد الردادي يتذكر .. هزّ الهندول بالطفوله .. ويتذكر أهازيج وترانيم امه الوفيه

لتكسي هذا الفتى الشقي النعاس ثم النوم العميق ..

ياسـمـيـن من اليمـيـن ومن شمالي سندباد

....و(اربعينية) علي بابا .. على بابي .. فتن !

.

ويـن اودي وجـه طـارق..؟ عـنـك ياوجهي . زياد !!

............ويـن اصـد.؟ وكل وجه يصد في وجهي وطن.. .

دثريني فيك .. يمه .. كل مابانت سعاد

.........زمليني عن زهير .. وزمهريرك ..والزمن

.

هزي الهندووول ..واملي .. املي . عيوني رقاااااد

................ سمعيني لاسكت ونمت من صدرك لحن .

هزي الهندوووول ....! يمه ...امتلت روحي رماد

..................ولحفيني سالفه من دون ارض ولاشجن

ما عشقت من القصور الا ..(ارم ذات العماد)

..........ومانويت اللي نويت من العمار الا عدن

صدقيني ماسهرت اكتب حكاية شهرزاد

.........لا . ولا هذا الصبا!.. والا الصبا هذا لمن.؟ .

انتي قلتي مايموت اللي على ارض الجهاد

.............وياما قلتي لاتنام الا تحت راسك كفن

.

لاخذلك الموت ..مـوت ولاتعيش بلا ( . بلا د )

.............ومن سرقك اليوم..! بكره مايعوضك بثمن

والقصايد يابعد .. ليل القصايد والسهاد

................ حملتني لك سلام ولي ملام .....

.

سـنـبـلـتـنـي ثـار قمح يشـب فـبطون الجراد

............... وحـلـفـتـني مااموت وباقي بـقـلبك حـزن

وهذا الشاعر صاحب الكلام العجيب والاعجاز الشعري بالقوافي

خالد صالح الحربي ..

يصف السهر بطريقة اخرى وبكلمات اخرى !!

عندالإشارة: تكون الساعة الثانية،،

..... وأكون وحدي كأنّي ما كأنّي أنا..!!

أجزّئ الساعة لـ أجزاء من ثانية،،

..... وأعيد للا مواعيد "أنثيال الغِنا"..!!

بئس الصدور التي من همّها فانية،،

..... ياصدري اللي نفاني كثر ماهو فنا..!!

فقري تعدّى نطاق القوت والآنية،،

..... وشلون بأشْرَه على الياقوت قِلّ لي هنا..

بإمكاني أجعل من أيّة "نادية" دانية،،

...... لولاي أنزّهك ياعِرضي عن اللي دنا..!!

من هم يشوفون سلمى بالدجا زانية،،

..... غير الذي شافها " سجّادتين " و " سنا"..

خَلّي السوالف من الآسن إلى السانية،،

.....خَلّي السواني من السالف إلى ما بِنا..!!

تاريخنا: ماأنتهى..في..صفحة.."أسبانية"،،

..... وتأخيرنا: ماأبتدا..في..نفحة.."الميجنا"..!!

لا..زالت..الأغنية..في..رحمة..الغانية،،

..... بالضبط..بين..المنيّة..وانبعاث..المنى..!!

وعند..الإشارة..تكون..الساعة.."الآنية"،،

..... وأكون..وحدي..ووحدي..ما..كأنّي..أنا..!!

وهذ الشاعر

عبدالعزيز الودعاني

هنا استطيع القول بأنها تجلت روعة الاسعار في المدن بهذا النصّ القدير

خـبّـريني يالخُـبـر عن شـطّـك وطـيـش الـمـواني

.......خـبـّريني كيف نورسـتــي الـطـفـولـه فـي مـديـنـــه

الـقـمـر فـي لـيـلتـك يـحـسـب وجــوده بالـثـوانـي

....... خــايـفٍ يـظـمـا مـســاك وخــايف انـك تـرتــويـنـه

يالـخـبـر أزرار صـبـحـك زيّـنـت ثـوب الأمـاني

....... والـشـوارع خـصـرهـا يـزدان يـومـك تـلـبـسـيـنـه

فـكـرتك دانه...وحبرك موج...واوراقــك مـبـاني

........... كــل شــاعـر قبل يـكـتـب لـه قـصـيده تـكـتـبـيـنه

فـي كـذب صمتك عرفت ان الهوى ضـوضا زمـاني

......... وفـي صدق بـوحك جهلت ان الزمن يهوى السكينه

جوّ بـحـرك يـوم ذعـذع طـحـت مـن جـذع الأغــانـي

..........بـحـرك اللـي مـن شـعـاع الـنـجـم تــتـخضّـب يـديـنـه

يالـخـبر ريـشـة هـبـوبك لـوّنـت لــوحـة كـيـانــي

......... وكــانت الـرسـمـه ظـلال لـ ناقــه وكـبــوة سـفـيـنـه

آه حـتـى الـذنب فـي فـجـرك يـجـي له لـون ثـاني

......... لـو أبـسـجـد وش كـثـر بـتـصـير هالسجده حـزيـنـه

صـرت احـس بضـحـكة جروحي إذا نـزفـك بـكاني

.......... كـيـف اصـدّق من شـتـاتـك كل حـلـم تـلـمـلـمـيـنــه

إنـغـرست بـمـلح أرضـك واعـتـرف بي قـحـويـاني

.......... صـرت بارضــك طفل حـر وداخـلـه طفله سـجـيـنه

يالـخـبر حـاولتي عـنـّـك تـشـغـلـيـنـي بالـغــوانــي

..........والله ان الـقـلـب عــذّبـهـم قـبـل لا تـعــذّبـيــنــــه

تـشـكرك أمي..لأني يالخبر أصـبـحـت انــانـي

...........قالت : وليدي أنــاني....يـعـنـي انتي تـدلـّـلـيـنـــه

.

.

.

عفوا

هذه ليست الا نماذج من ما استطاع نطاقي تغطيتي .. تغطيته !!

لفئه معينه من الشعراء ووجهه معينه من الشعر ...

ودمتم سالمين)


flower37:

[أبو فهد]

النادر تحياتي لك

واسمح لي بنقل الموضوع إلى القسم

المعني بذلك

ولك تحياتي وتقديري

[دغري]

اخي النادر

اختيارك موفق

جهد يشكر له

انه ابداع حرفي

من هولاء الشعراء

تفنن في الكلمات

سلاسة في المعنى

مع خالص التحيه