كـأس توزيـع الغـرام

[احمد الالمعي]

[ يوم اسكب شي من سكري المباح =
واحتسيـه أبنشـوةٍ فـوق الغمـام
يبعد أهمومي وحـس بالانشـراح =
وتشرق الشمس بدياجيـر الظـلام
قلت انا برق على العسـرات لاح =
وانت ياراسي على الله مـا تضـام
مادريت ان الهـوى سـم ذحـاح =
راحت العالم مـن أسبابـه عـدام
ول يا قلبـي المولـع مستـراح =
كن هجير الشوق ضربات الحسـام
صايبه من رمشها طلق السـلاح =
رش شرشـوره ويقـذف بالسهـام
استباح القلـب بسنـان الرمـاح =
و اعلنت قواتنـا سلـم... انهـزام
كم نصحت القلب ما يبغى انتصاح =
عاصي يبغى علـى كيفـه وهـام
قمت أنادي وطلبه عذر وسمـاح =
السموحه و السموحـه يـا كـرام
قالت ابشر بس لي شـرطٍ وبـاح =
شرطي انك ما تكـرر ذالخصـام
قلت اقرب أنت يا نور الصبـاح =
يا شبيه البدر فـي وقـت التمـام
يا بعدهم أنت يـا سيـد المـلاح =
يا شبيه الشمـس لرخيـت اللثـام
تندمل منـي عميقـات الجـراح =
وتنجبر فينـي كسيـرات العظـام
وقمت البس نجمة الصبح الوشاح =
واهدي أهداب السحاب أغلا وسـام
واشرب العلقم مثل ماي القـراح =
لو يكون الضيم والعلـة و( سـام )
صرت أشوفه مثل شهدٍ لي مساح =
أشربه من كـأس توزيـع الغـرام
[/POEM]