المساعد الشخصي الرقمي

مشاهدة النسخة كاملة : قصيدة اعجبتني



فتى الجاضع
24 -08- 2006, 08:15 AM
هذا بنات اليوم برقع وجوال ..
________________________________________
قــصـــيـــدة بــــنـــــات الــــيـــــوم

هذا بنات اليوم برقع وجـوال .. ولاعبايـة كتـف هـم يلبسوهـا

والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويوم السبايـب اهلهـا هملوهـا

الأم نامت والابو صار تمثال .. والبنت راحـت ويـن مـا يسألوهـا

بالليل تسهر بين هاتف وجوال .. والا على دش الفلـس سهروهـا

اقفاي هي ما بين الاسواق واقبال .. بلا غرض راحت ولا انشدوهـا

اللبس تلبس كل ما يطرب البال .. وفلوس لو تنقص عليها عطوهـا

من شافها باللبس يا ساتر الحال .. يسبهـا ويسـب مـن خلفوهـا

كومة لحم وعيون والرمش قتال .. ويلا مشت كل الشباب اتبعوهـا

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووها

وين البنات اللي بهم تضرب امثال .. ليت السلوم الطيبة ما تركوهـا

البنت زين البنت لا زانت الحال .. ما هو بلبـس ولا علـوم خذوهـا

وين المراجل ما بقى غيره ارجال .. ليت الشوارب واللحى حلقوهـا

اللي على عاره رضي الذل ينقال .. ليت الكرامـة ليتهـم يرفعوهـا

ما عاد ينفع قول فيها ولا قـال .. لا الأم والله ولا الأبـو انفعوهـا

اصبح ضياع البنت بسباب جوال .. البنت ضاعت والأهـل ضيعوهـا
__________________
__________________

أبوإسماعيل
25 -08- 2006, 01:29 AM
وين المراجل ما بقى غيره ارجال .. ليت الشوارب واللحى حلقوهـا

اللي على عاره رضي الذل ينقال .. ليت الكرامـة ليتهـم يرفعوهـا

ما عاد ينفع قول فيها ولا قـال .. لا الأم والله ولا الأبـو انفعوهـا

اصبح ضياع البنت بسباب جوال .. البنت ضاعت والأهـل ضيعوهـا

أصاب وصدق في كل حرف مما قاله

ولا حول ولا قوة إلا بالله

شكرا أبا يزن

إحساس صادق
25 -08- 2006, 02:13 AM
لاعدمناك يا ابا يزن
فعلا ما بقت غيرت رجال والله انا نشوف اشياء يندى لها الجبين
لكن نقول الله يسترنا ويستر عوراتنا

جريح الاقارب
03 -09- 2006, 10:36 PM
يا خوك ذولا البنات مارعوا مغنم ولا علفوا من معمال ولا وردا بامجرار

رائع كا لعاده يابو يزن