المساعد الشخصي الرقمي

مشاهدة النسخة كاملة : جرح العراق



dark lady
24 -08- 2006, 10:22 AM
جرح العراق

احس بيه الجروح اهواي *** حزن بالروح ومبين عليه

واصرخ والالم ماسكّن وطاب *** محتار وحرت واصفك بديه

وذياب الوكت ملتمه صوبين *** ظنتها أطيح وعــدها نـيـه

تمزقني وتزيد اجروحي اجروح *** وتفرح باليصير ويجري ليه

وتفرهد كلشي ومتجمعه غربان *** وبشر صوتها تنعاني هيه

وتحاربني الوحوش وحرب أنذال *** طبع الها الغدر صاير سجيه

وخليها اشتخطط هاي الاشرار*** ما أشكي وأطيح البيه بيه

عراقي اهواي مرن بيه صعبات *** اكابر واصبر وروحي قويه

مايرهبنه تفجير وذبح الاطفال *** ولاقتل اليصير اعله الهويه

ماكدروا عليك ويا عراق الخير *** لعبوا لعبه قذره الطائفيه

مختلفه الورود اشكال والوان *** بس تبقه وتظل كلها زهيه

عراقين كلنه وشدة ورود *** وصار النه العراق المزهريه

وشامخ مايطيح ونخل العراق *** ولانهر الفرات النشف ميه

ويصير ارماح دمنه بصدر الارهاب *** ولوطال الوكت مهزوم تاليه

من حسين انتعلم ناخذ ادروس *** انتصردمه وعله سيوف آل اميه

ديوانك وطني
24 -08- 2006, 08:00 PM
عزيزتي دارك ليدي ..

يالها من قصيدة ثورية جميلة بلهجة عراقية محببة ..

حفظ الله العراق وأهله ( سنة وشيعة ) من كل شر ..

واسمحي لي بنقل هذه القصيدة أيضا الى منتدى الشعر الشعبي ليتسنى لعشاقه ورواده الاستمتاع

بهذه القصيدة ..

إحساس صادق
25 -08- 2006, 02:02 AM
فعلا قصيده جميله جداً
شكرا دارك ليدي
وشكرا ديوانك وطني على النقل