روائع الرائع عبدالرحمن بن مساعد

[روز]

اجهلك

أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنـّا هلك

أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..

أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك

أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك
New4:


رسالة

إنه أمامي .. العاشق الأصدق
في صمته المُدوي .. يبُثني شكواه
إنه يحب .. وحبه في هذه الدنيا
هو الأصدق
إنه أمامي .. يا لها من نظرةٍ حزينة
تحجب النهار .. تطل من عينيه
يا لها من وجنةٍ في دمعته
يقرأ في ملامحها الضياع
كأنها بحّار قد ا ُنسي العوم
ومن حوله تنهد الموج
ولا يرى مرساه
إنه أمامي ساءت في طباعه .. الطباع
لا يقبل اللوم .. يبكي على ليلاه
إنه أمامي يا لها من قصةٍ حزينة
تطل من عينيه
تطل من عينه تلك .. سنينه العجاف
والذكرى
وتلك التي أحبها .. سنين
تلك التي رمت به في البحر
ومع غيره ركبت سفينة
وتركت له المجداف للذكرى
أحمق
يا له من أحمق هذا الذي أمامي
العاشق الأصدق
لها هذه الرسالة
لمن علمته الصبر والغضب
لها لعلها تلقى من الإحساس ما يكفي
لكي ترثي حاله
لها لعلها تعلم إنه إن أدبرت
أو أقبلت هالكٌ .. هالكٌ
لا محالة
لمن علمته الصبر كتبت هذه الرسالة
كتبتها ألقيتها في ماء هذا الغاضب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
كتبت في الرسالة .. تحياتي حبيبته سلامي
إنه أمامي .. له من المتاعب ما يكفي لكي يُعشق
فجرحيه بأن تريحيها .. له روحٌ أبت إلا على يديك أن تـُزهق
فقتليه بالرحيل .. أو تعالي وأزهقيها
لمن يحب كتبت هذه الرسالة
فعلت ما علي كتبتها .. ألقيتها
في ماء هذا الغاصب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
يا صاحب لا اعرفه في الشاطئ الآخر
لربما ستلقى ما كتبت
لربما ستقرأ الرسالة
اقرأ من الأخر .. إن كنت تعرف من يحب
خذها لها .. وقل لها إن الذي أمامي
لا.. لا.. لا
يا صاحبا ً لا اعرفه مزّق الرسالة
مزق الرسالة واضحك على المأساة
اضحك على المأساة
عرفت من أمامي .. إنها المرآة

New4:


سبعة أرقام وجفا

بيني وبينك سبعة ارقام وجفا
عندي بقايا جرح وعندك بقايا وفا
لاجزا الله هالدنيا خير
في كل لحظة طبع غير
ياللي جفاك طوّل
ترى المغيب اقبل
وما عاد به شي ٍ نخافه
لامن غدت كل المسافه بيني وبينك سبعة ارقام
سبعة ارقام وجفا

بيني وبينك كان شي ٍ يسمى حب
كنا بنقطع به درب ٍ طويل ٍ صعب
فيها الحسد والخوف
فيها العذول اللي يستمع بالشوووف
فيها الرجوع اصعب من النسيان
فيها الصديق اقسى من الانسان لامن جرح انسان
ياللي احبك غصب
الدرب ماله درب
وكل شي صرنا نخافه
دام انها كل المسافه .. بيني وبينك
سبعة ارقام وجفا

ياللي ضيعتي الوفا
اليوم ضيعني الوفا !
اقبلي مني الجفا .. واقبلي عمري اللي ضاع
وارضي لي بـ الهم رفيق
ولا لمحتي مركبي في بحر حبك غريق ..
ابعدي .. لاتضعفي .. لا تمدي لي الشراع
ياللي قتلتي كل شي
ما ابغى منك الا شي
حققي لي اللي ابي واقبلي مني الوداع
ولاذكرتي ما مضى ... اكتبي سر الضيااع
سبعة ارقام .... و دفا ,,,

New4:


سيد جروحي

سيد جروحي شمس عمري iiوظلي البعد طوّل والخطأ منك واضح
اذا غرورك يمنعك تعتذر iiلي تعال جنبي وابتسم لي iiواسامح
تدري احبك لكن الموت iiذلّي ادوس انا قلبي لو الشوق جامح
الله عطاك الحظ واصبحت iiخلّي والله عطانياك طاغى iiملامح
سألتني يا ياسميني iiوفُلي ياكيف يشفى الورد .. والشوك جارح
مثل العيون اللي لها كل كلي زايد حلاها لكن الدمع iiمالح
وش تنتظر يكفي دلال iiوتغلي الوقت ماهو للوصل دوم iiسانح
مادمت ترحالك ومادمت حلي ان صرت انا خسران ماصرت رابح
لا تعطي الفرصة لعذالنا iiاللي لكل ماهو يهدم الحب طامح
مالك صبر عني ومالي iiتسلي والوقت خيل صوب الآجال iiرامح
سيد جروحي شمس عمري iiوظلي الحب بعد وقرب .. مخطي iiوصافح
اذا غرورك يمنعك iiتعتذرلي لا تعتذرلي قول اسمي iiواسامح

New4:

[روز]

ماهو عادي


كان هالليلة بهاكي ماهو عادي
كنتي انتي
وانتي لمّا تكوني انتي
ماهو عادي
كنتي إعجاز وسحرر
كنتي دنيا من طهر
كان نورك في جبين الكون بادي
كان في صمتك طرب
كان في عيونك شغب
كان حسنك للحسن يرسي مبادي
كنتي في أجمل حضورك
كنتي في أعدل غرورك
ولمّا طافتبي عيونك
واستقرت في فؤادي
كنت أنا اتخيلك
وكنت أنا أتأملك
كنت أنا أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي


آه لو باكر لأمسي يلتجي
يترك الليلة ليالي ومايجي
آه أنا من غدر باكر كم أخاف
ياخذك مني وأنا لقلبي شغاف
حزنها في غيبتك مر وشجي
آه أنا من غيرك أنتي وش وجودي ؟
آه أنا كم أبي باكر لو تعودي
آه من ذكرى بتشعلبي سهادي
لمّا كنت أتأملك
ولمّا كنت أتخيلك
لمّا كنت أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي

يا ملاذي ومنتهاي وأولي
إيه أحبك فوق ماتتخيلي
ليت أنا يا بعد قلبي لي قلوب
لجل مافي كل لحظة بك أذوب
كل إجاباتك أنا
لا تسألي
ما أبي شمسك يواريها مغيب
لو جروحي منك
مادودي تطيب
ياللي سعدك منتهى غاية مرادي
آه كم أشتاقلك
آه كم أحتاجلك
آه كم أشتاقلك وأحتاجلك
في القرب والا في بعادي

أنتي إحساسي الأكيد
وأنتي دمي اللي بيجري
في الوريد
أنتي ياعمري بلادي

New4:


قالت احبك


قالت احبك
واحضنتي ثم ٍ قالت من انت ؟؟
وضحكت .. ثم ٍ بكت
ثم ٍ حكت .. ثم ٍ سكتت
ثم ٍ قالت لي من انت !!

اللي جرى .. ماهو غريب
الزمن فعله .. عجيب
نسّاها اسمي ..
نسّاها حبي ..
نسّاها دمعي ..
في يوم انا ..
في احضانها طفل وحبيب !!

ياهي جرحتني .. يوم نكرتني
حاولت اداري عبرتي .. بس ماقويت
خانتي دموعي .. وبكيت
وبعدت عنها واتبعتني وامسكت يدي
واحضنتي ومسحت دمعتي من فوق خدي
رجعت البسمه لشفاي
نسيت انا همّي وشقاي
صرخت للدرب الطويل
لا مانستني .. مستحيل
الزمن او اي شي ..
يقدر يقسيها علي
يقدر ينسيها هواي
وفجاءه سكتت
ثم ٍ ضحكت
ثم ٍ قالت لي من انت ؟

New4:

دخون

هو فيه مثلك .. ياللي الحسن ظلك
ليه العطر ؟!
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتي ماغيرك عيون
وانا احبك .. وانتي انفاسك دخون
ياللي احبك .. ليه احبك ؟
او ليه ماحبك .. ؟!
وانتي علـّمتيني ان الحب كله اسئلة ما تنتهي
ليه ما احبك .. ؟!
وانتي علـّمتيني ان الحب لا غدا لمثلك .. ابد ماينتهي
ياللي علـّمتك عذابي والهجر .. ليه ما احبك ؟!
ياللي علـّمتك تكوني ..في ضعف ضعفك .. اقوى مني
يا انتي ضحكاتك تغني .. وابتساماتك شعر
يا انتي ضحكاتك تغني .. وكل ما شفتك اصر
انك اجمل من جمالك .. من خيالك .. من دلالك
على حبك انا .. بقفل ابوابي
وبطيوفك انا.. بسقي اهدابي
يا انتي .. يا انتي احبابي
تصدقين .. تصدقين .. صدقي
قلبي لكي وحدك . .صدقي
ماقوى على بعدك دقايق .. بس دقايق
ياظلي .. يا داري
يا اجمل ..افكاري ..
تظلميني لوتقولي اني عاشق .. بس عاشق !!
ياللي وحدك تسمعي صمتي وكلامي
ياللي ضيك ..اتعب همومي وظلامي ..
صدقي اللي في قلبي لك ِ ..
اكبر من افكار القصايد والحكي
تصدقي انك اجمل في عيوني من جمالك من خيالك من دلالك
لا يالقلب الحنون
لا تاخذك فيني الظنون

New4:

تسلم عيوني

ياطيب حظي كان انا حلم iiدنياك ياللي تقول اني أمانك iiوخوفك
تحبني؟ ..أدري حكالي iiمحيّاك رعشة يدينك وارتباكة iiحروفك
ياللي الوفا هو بعض أصغر مزاياك حملي ثقيل ووافياتٍ iiكتوفك
تشيل همي دوم كنّي أنا اياك صارت ظروفي مو ظروفي ..ظروفك
إن جيت ابحكي عن بهاك iiوسجاياك كيف اوفي أخلاقك وباهر iiوصوفك
وان جيت الاقي لك خطايا iiخطاياك أطيب قلوب الخلق ساكن iiبجوفك
وشلون ما احبك وهذي سواياك؟! وشلون ما أهديك عمري iiفكفوفك؟!
ياقلب قلبي وش حياتي iiبلياك؟! تسلم عيوني دامها هي iiتشوفك

New4:

ماأظن


ما أظن الصبح .. يدري iiبالليالي وماأظن الليل يعنيه iiالصباح
و ما أظن في يوم قد زارك iiخيالي وماأظنك حاسبٍ عمري اللى iiراح
ياقديم الظلم ما فارقت iiبالي ومافي بالك لي سوى هم وجراح
لو همومي تسعدك .. زد لا iiتبالي ولو معي اخطيت اطلبك iiالسماح
تبعد دروبك اذا اقبل iiوصالي ولجلك دروبي يضيقبها iiالبراح
رغم بعد البعد جرحك هو iiظلالي كنك الرامي وفرقاك الرماح
يالغرام السجن والسجّان غالي والسجين يخاف إطلاق iiالسراح
لو هو في الأوراق قدر الغصن عالي بتاخذ الاوراق اقدار الرياح
للكسر غصنك وانا يمضيبي iiحالي ولضمى اورقي خلق ربي قراح
بسبقك للصبح مليت iiالليالي واتركك في ليل ناسيه iiالصباح
New4:

[روز]

أصدق ماكتبت

انتي .. تدرين من انتي ؟!
تدرين انك لي غديتي كل شي
وانك غديتي شمس ليلي وفي الهجير الفيّ
وانك اصدق ماكتبت
وانك احزاني وفرحي .. لاضحكت اوانجرحت
وانك غديتي ياعذابي اغلى من حبك علي ّ
قبل أحبك .. يا ما كذّبني القصيد
وبعد حبك .. صار يكتبني القصيد
هو يوصفك بسمة وطرف
وأنا اعشقك في كل حرف
منك شكالي .. وصف حسنك اتعبه
وانا شكيتك .. وعشقي لحبك اعجبه
ومهما شكى ومهما وصف
انتي احلى ماكتبت .. انتي اصدق ماكتبت
وانتي احساسي وجرحي .. لاضحكت أو انجرحت
وانك غديتي يا عذابي اغلى من حبك عليّ
تدرين من انتي .. !!

New4:


تعالي


تعالي مابقى حولي .. سوى ظلي وبُعدك
بَعدك ألهب أيامي أنا قيض الملل
في بُعدك ضاع من ليلي الدفى والأمل
غدت متشابها الأيام .. تلاشى النوم والأحلام
أنا لحالي .. تعالي

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبُعدك

ماغدى للشمس معنى .. من تركتي ..
سوى القيض
وماغدى لليل معنى .. من هجرتي ..
الا الكدر والغيض
وماغدى للأجوبة في خاطري .. الا سؤال !
ليه .. ليـــــــــه ؟!

يالأمان اللي أبيه ..
في غيبتك .. مابه ربيع و ورد
يالأمان اللي أبيه ..
في غيبتك مافي العمر الا الشتا والبرد

من رحلتي .. مابقى في مسمعي الا بُكى الريح
ومابقابي من البُكى .. سوى قلب ٍ جريح
ومابقى حولي أحد يسمع سؤالي ..
من فيني يبالي ؟؟؟
من غيرك في بالي ؟؟

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبعدك

تعالي ... تعالي
ضاعت الأحلام ..
وماظني بلاقيها لحالي ..
تعالي .. نبعد الألام من حولك .. وحولي
تعالي ..

لجل حربي مع الغربة .. مع الوحدة ..
أبيلي سلاح حبك ..
لجل حربي مع اللي جاي
بلاقي قوتي في ضعفك
لجل حربي مع نفسي ..
أبيلي سلاح منك
أبيك انتي .. تعالي
أبيك انتي .. تعالي

باكر أجمل .. من خيالك
أو خيالي

تعالي .. وان لقيت أصحاب ..
مايسكت أنيين الباب ..
الا لو لقى حولي دفى حبي وحبك
تعالي

New4:

تجاعيد


تجاعيد ..
في وجه الزمن صاروا ..
تجاعيد ..
رماهم حزنهم اوراق ..
خريف وعاث بالعشّاق ..
عطاهم الأمل لحظات ..
ورسم أوقات الآلام ..
وللذكرى مواعيد ..
وتجاعيد ..
في وجه الزمن صاروا ..
تجاعيد ..
جروح تؤلم الإيلام ..
عذاب يضج باستفهام ..
متى قد كانت الدنيا مع العاشق ؟
متى قد كانت أعظم خاتمة للحب ..
ما هي افراق .. !!
هذا طبعها الأيام ..
كذوبة كانت الأحلام ..
بالتأكيد..!

تفاؤل زاد في الإغراق
وصدّق بهجته عشاق
خذلهم .. بدّل ضحكهم تنهيد ..
وتجاعيد ..
في وجه الزمن صاروا ..
تجاعيد

New4:


البحر


على مدى الأيام .. كان البحر بالنسبة لي
هو البحر
رمل .. أمواج .. صخر
كان البحر بالنسبة لي بس البحر
وعلى مدى الأيام ماقد لمس فيني المشاعر
الا ذاك اليوم .. يوم انك معي
يومها كان الوداع
وكان البحر دفتر والموج بيت من شعر
وبيتٍ ورى بيت .. وموجه ورى موجه
تكتب قصيدة حبنا
وتمحي الجراح بجراح
ومثل الفرح في دنيتي كان الفجر
عمره قصير .. وبكل حب اهدا نسيمه وراح
وتشرق الشمس .. لجل الخلايق كلها تقرا
قصيدة حبنا
ويومها ماكان للشمس اي نور
وبعض السبب كان الوداع
وباقي السبب انتي خذيتي .. من سماها النور
ولجل الصدق .. يومها كنتي انتي الشمس
وكان البحر عينك .. وادموعك امواج الشعر
وخدك الدفتر
آه يا اللقى ماخذت من طبع البحر
ما للبحر آخر
آه يالفراق .. ماخذت من ذوق الفجر
يمرنا عابر
وآه يالعيون اللى انا منها عرفت
ان البحر دفتر وان القصيد امواج
وإن الغرام شاعر

New4:


النظره الخجوله


ما سألتوا صاحب النظرة iiالخجولة كيف يسهرني وله وجهٍ iiصبوح
كيف يظلمني وله طهر iiالطفولة كيف يسكنّي وهو دايم iiيروح
وكيف أنا ألقى ربيعه في iiفصوله دام كذبه صادق وصدقه مزوح
له صفاتٍ تورد العاشق ذهوله مستكين و صامت وكله iiجموح
أصعب الأشياء و أكثرها iiسهولة أغمض الأشياء و أكثرها وضوح
سهل تغرم به وصعب انك iiتنوله غامض فـ طبعه و واضح في الجروح
أسعد بشوفه ولكن ما iiأطوله كنّي الوادي وهو أعلى iiالسفوح
يبتسم لا منهم عنّي حكوا له ولا حكوا لي عنه أعماقي iiتنوح
لي بقلبه شي لكن ما iiيقوله وله بقلبي كلّ لكنّي iiأبوح
كنّه الغيمة و انا أرجي هطوله ما نزل غيثه ولا برقه iiيلوح
ما عرفتوا ليه تسهرني iiفعوله وليه يسكنّي وهو دايم iiيروح
هو يبيني بسّ أطباعه iiخجوله وما يبي أغفى وهو وجهه iiصبوح

New4:


البرواز

قلتيلي انسى
ومن يومها وانا كل ليلة .. قدامي البرواز
حبر العيون ودمع القلم .. في دفتري
وصورتك .. رغم الألم .. ورغم انها خذت من اطباعك كثير
وخانت البرواز .. اشوفها في خاطري
حبيبتي مابيدي حيلة
لاصرتي الصورة .. وعيوني البرواز
وشلون ابنسى

اتعبتي الصورة مشاوير
وتعبت انا بلقى لغدرك معاذير
وصورتك اللي سجنت بروازها طول السنين ..
كانت جسد وبروازها الروح
ويوم انزعت منها الجسد .. تجرّحت اطرافها
وبجروحها راحت لمين ؟
لبروازها الثاني !!
مسكين .. بيسجنك ويبقى سجين
مسكين
تشبهلك اقداره .. خانته
وصورتك يجي يوم وتخونه
حبيبتي ..أو للأسف حبيبته
لاصرتي الصورة .. وجفونه البرواز
وشلون ينسى ؟!

حبيبتي لجل انسى جرحك واستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وانسى

New4:

[الحجفاري]

اختيار يدل على ذوق راقي
الى الامام

[روز]

مشكور اخوي الحجفاري

مرورك اللي ذوق الله يعطيك العافيه

[أبوفادي]

شكرا لكم على الاختيار الرائع

[روز]

مشكور اخوي ابو فادي على تواجدك بصفحتي

الله يعطيك العافيه

[هادي محزري]

شكرا جزيلا

[أبو سيف]

عزيزي روز:

أنت رائع وصاحب ذوق رفيع


واختيارك دليل حسك المرهف::sa05::

وتقبل شكري وسلامي

وكل عام وأنت بخير

أخوك أبوأمين

[المغش2007]

اختيارك جميل ويدل على ذوق وياليت قصيدة تعاريف، وأخطيت

[إحساس صادق]

روز
اختيار جميل وذوق راقِ نتمنى منك المزيد

[التحدي]

الرائع سيظل رائع فعبد الرحمن بن مساعد رائع في شعره .... ولا ننسى الأخ روز على الأختيار الرائع والموفق
ولي عودة

[التحدي]

أهداء للأخ روز ...... وجميع أعضاء المنتدى والسموحة اذا فيه يوم اخطيت على اي عضو في المنتدي
http://www.roro44.com/aldewan/sh3ra/25musaed.html



منقول للأحبه

[روز]

يسلموووو اخوي هادي على مرورك

[روز]

عزيزي روز:

أنت رائع وصاحب ذوق رفيع


واختيارك دليل حسك المرهف::sa05::

وتقبل شكري وسلامي

وكل عام وأنت بخير

أخوك أبوأمين

اخوي ابو امين كلامك رائع واكيد اي احد يحب عبدالرحمن بن مساعد بيكون حسه مرهف

اشكرك على روعه مرورك

[روز]

اختيارك جميل ويدل على ذوق وياليت قصيدة تعاريف، وأخطيت


يسلمووو اخوي المغش ومرورك هو الي ذوق

وابشر ان شاء الله راح احط القصائد اللي طلبتها

[روز]

روز
اختيار جميل وذوق راقِ نتمنى منك المزيد

يسلمووووو اخوي ومرورك هو الذوق الله يعطيك العافيه

[روز]

الرائع سيظل رائع فعبد الرحمن بن مساعد رائع في شعره .... ولا ننسى الأخ روز على الأختيار الرائع والموفق
ولي عودة



أهداء للأخ روز ...... وجميع أعضاء المنتدى والسموحة اذا فيه يوم اخطيت على اي عضو في المنتدي
http://www.roro44.com/aldewan/sh3ra/25musaed.html

يسلمووووو اخوي التحدي مرورك اروع

واشكرك على الأهداء الأكثر من رائع

[روز]

أخطيت

أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟

New4:



تعاريف

الاقتصاد

ناس تزرع من فجر ربي

إلين الشمس تغرب

وناس تصحى في العِشا

تتولى تقسيم الحصاد



بغداد

حضارة شاهقة

وأمجاد

أقدار صلفة

وشعب يفاخر بنزفه

وتحتاج الحكاية لص

يصير الأقوى بالصدفة

ويكون القاضي والجلاد

وبحسن إعداد

وقدرة فائقة

في البطش والتنظيم

وبداعي خوفه

الأطماع والتقسيم

والأنواء

يقسّم شعبه لأجزاء

جزء يعيش في المنفى

وجزء في عيشته منفى

ومواطنين

معززين مكرمين

مقرنين

في الأصفاد

بغداد

خبر لو أنها أنداد

مدينة .. بائها بوابة التاريخ

ودالها دنيا من الأمجاد

سنين صلفة

وشعب يفاخر بنزفه

وتحتاج الحكاية لص

يصير الأقوى بالصدفة

ويوطد حكمة الأوغاد

بغداد



السجون

هي مكان

لعزل من يخرج على القانون

وان غدا القانون جائر

تصبح القضبان دنيا

تعزل الخارج عن المسجون



النفاق

رغم اختلافك

تبقى آرائك وآراء الذي تخشاه

دايم في اتفاق

أو نقول : هو انتمائك

كل فتره لانتماء

أو نقول : هو ارتماء

أو بمعنى آخر نقول : النفاق

هروله صوب اليهود

وبُكى على أطفال العراق



السراب

وهم .. ما هو ماء

لكن يعطي للظامي أمل

وإحساس مفعم بالرجاء

والسراب ينادي : يا ظامي تعال

ما بقى الا خطوتين

وتنعم برشف الشراب

أو بمعنى آخر

نقول : السراب

الوعود اللي قطعها

المرشح للمرشح في انتخاب



الجزيرة
الجزيرة من قديم الوقت تُعرف :
بالمكان اللي يحيطه ماء من كل الجهات
وفي جديد الوقت دولة
ما عجبها وضعها وسط الخريطة
قالت اتعدى حدودي ..
و اثبت لغيري وجودي .. في الحياة ..
و هكذا نقدر نقول ان الجزيرة :
دولة مغمورة صغيرة ..
كبرت وصارت قنااة

التطبيع
التطبيع .. ربط المصالح للجميع ..
يبغى عدوك يشتري ..
ليه ماتبيع ؟!
ليه مايكون الراعي هو ؟!
ليه ماتصير انت القطيع !
وش يمنع ان الذئب يصبح
حارس الحمل الوديع ؟!

الإرهاب
تدبير إجرامي ..
قتل مدنيين ..
ترويع أبريا ..
تطبيق شرع الغاب
هدم البيوت العامرة ..
سفك الدماء الطاهرة ..
قتل الكهل والشاب
وان قلنا اسرائيل تفعل كذا دوما ً !!
تقول أمريكا :
مايعتبر إرهاب !
كي يعتبر إرهاب .. فيه شرط إلزامي ..
يكون إسلامي .. ومدعوم من أعراب

مؤسسة خيرية
مشروع يعُنى .. بتخفيف الألم
والمرض ..
والكمد ..
يعنى بتعمير المساجد ..
والمساكن ..
والمدارس ..
والمشافي ..
داخل وخارج البلد ..
يُعنى بفك الدين ..
تفريج الكرب ..
رفع المشقة والكبد ..
يُعنى بتقريب المسافة للرغد ..
مؤسسة خيرية ..
فرقها عن غيرها ..
كونها سرية ..
تعطي ولا يعلم أحد
مؤسسة خيرية
عبدالعزيز بن فهد

New4:


المبادئ


بدء ذي بادىء ..
هذا تعريف المبادىء ..
كل وقت .. وله أذان ..
الزمان .. غير الزمان ..
ياكلام الليل .. يمحيك النهار ..
باختصار ..
المبادىء .. شىء تحكمه الظروف ..
مثل طفل .. ترتبك في الحروف ..
ما اجمل أغلاطه ..
المبادىء .. للأسف ..
كلمة مطـّاطة ..

بدء ذي بادىء ..
يا بايع إحساسك ..
وش احساسك ..
وأفكارك لغيرك ..
ياشاري إحساسك ..
وش احساسك ..
واحساسك لغيرك ..
ليتك توصف متعتك ..
لاخذت من غيرك مشاعر ..
تدري لو تقدر ترى ..
ماهو بعيد تصير شاعر ..
كيف الخلاص .. من ناس تغتال الشعر ..
و حد القصاص في كل سرقة ..البتر
الا الفكر ..

بدىء ذي بادىء ..
هذا تعريف المبادىء ..
يا بايع أموالك .. لفقرك ..
وللعذاب اللي في بيتك .. ودمعة عيالك ..
ليت توصف متعتك ..
ليت أوصف ضيقتك ..
لو جرى لك ..
في القمار .. اللي جرالك ..
ليت نعرف ..
متعتك أو ضيقتك ..
أيهم اللي بقالك ؟

يا بايع أعصابك .. لخمرك ..
ياكثر ماحرت بـ امرك ..
يابايع الصحة .. لخمرك ..أو سمومك ..
وش يفيد أني ألومك ..
كيف تلقى متعتك .. لا ضاع عقلك !
وبان بين الناس ذلك
وكيف تسعد في شعورك ..
وانت خارج عن شعورك ..
يا بايع اعصابك و وعيك ..
ياللي تهرب في عذابك ..
من عذابك ..
لو بغيت في يوم ..
تهرب من هروبك ..
وش هو احساسك ؟

بدء ذي بادىء ..
هذا تعريف المبادىء ..
يابايع بلادك .. بكم كان الثمن ؟!
يا بايع بلادك ..
انسى المباني .. والبيوت .. والحب الأول
انسى غبار المدرسة .. و وجوه اصحابك ..
انسى فؤادك .. وميلادك ..
وارمي ورا ظهرك ..
كل العبارات الكبيرة ..
عن الوفا .. والتضحية ..
وعن حب الوطن ..
يا بايع بلادك ..
لو كبروا أولادك ..
وكان السؤال في عيونهم ..
سجنك وجلادك .. !
" احنا يابوي من وين ؟! "
وش هو احساسك ؟!

يابايع آخرتك .. يالعاصي القاسي ..
اسمع نصايح صاحبك " ابليس " :

" لا تترك التدليس ..
اظلم ولا تفكر في باكر ..
هيم في العصيان جاهر ..
واختار من بين الذنوب ..
مايسعدك ..
ولاسار عمرك للغروب ..
لاتتوب ..
لا تحسب للعمر ..
ولا تفكر بالقبر ..
ولا العذاب ..
توك شباب .. "
هذي نصايح صاحيك ابليس ..
يابايع آخرتك بدنياك ..
لا عدمناك ..
لو عدمناك ..
وش هو إحساسك ؟

New4:

[روز]

أستاهلك

ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي وانا
ياللي احس .. انك انا
حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلـّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك
New4:


الصبر

الصبر ... مالي انا الا الصبر
الغدر .. وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج مني الصبر
ياقلب ابي منك العذر .. وان مارضيت مالي جدى كود الصبر
ياجرحي في كل الدهر فارقت انا الدنيا
يا طعنةٍ وسط الظهر .. لابد انا انساك
بنسى انا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر .. مالي جدوى كود الصبر
ياللي خذلتي مدمعي .. ان كان ودك ترجعي
عندي طلب .. لاترجعي
ياللي خذلتي مدمعي .. ان كان ودك ترجعي
شرطي صعب ! ..
لو تجمعي آهات قلبي اللي انجرح
وتنسي السعادة والفرح
وتتعذبي
وبعد العذاب تتعذري

New4:

[عبدالله الحلوي]

تحف غنائيه

تزينت بصوت سفير الحزن ..


شكراً اختي روز ..



مع حبي
القبس

[قلب صارخ]

شكرآ لكي على ذوقك

رائعه وأكثر من رائعه

قلب صارخ

[حسن الصميلي]

رائع يا روز

عمل جميل وذوق أجمل


تمازج ساحر بين حروف الأمير وذاكرة السفير


شكرا يا روز

شكرا

[روز]

يسلموووووووو اخوي عبدالحلوي عالمرور الذوووووق

[روز]

يسلمووووووووووو اخوي قلب صارخ عالمرور الأروع

[روز]

يسلموووووووووو اخوي حسن عالمرور الأذوق والأروع والأجمل

[أمــير الذوق]

[QUOTE=روز]اجهلك

أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنـّا هلك

أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..

أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك

أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك
New4:



رائعـة كروعـة من سـطرها وزينـها البـرواز الذي وضع ملامحـة أخـطبوط العـود ....



تحياتي..

[روز]

يسلمووووووووووووو امير عالمرور الأروع


ولي باك ومعي باقي القصائد

[مسلم معتدل]

الأخت المبدعة
رزو
أحسنت الاختيار وبارك الله فيك
وفي الرائع المبدع المتميز الأمير الشاعر:
عبدالرحمن بن مساعد

hr

[fuad]

شكرا أختي روز

[روز]

يسلمووووووووو اخوي مسلم عالمرور

[روز]

يسلموووووووووووو اخوي ابو محمد اسعدني مرورك

[روز]

ياللي خذيتي الشمس


ياللي خذيتي الشمس
لو تتركي لليل بعض النور
ياللي جرحتي أمس
ماعاشك إلا يوم .. وودّه يكون شهور
يا أغلى من دمعي.. واقرب لي من إحساس
ياشوفي يا سمعي
لو تتركي للناس بعض الدفا والنور
دامك خذيتي الشمس
داوي جروح الليل.. واهدي الحزن بسمه
لا تجرحين الصبح.. وتخفي الحسن عنه
مدي جسور الهمس
قولي أحبك حيل..
لاجل امحي أحزاني
واحيا فـ زمن ثاني
حيث الزمن غيرك .. فيه الفرح مهجور
يا أغلى من دمعي
واقرب لي من إحساس
يا شوفي يا سمعي
لو تتركي للناس بعض الدفا والنور
دامك خذيتي الشمس
ياللي الحسن دربك وموت الفرح دمعك
ان كان مابه شمس
لو تظهري خدك أو همس من عطرك
علّه يدفي الليل
الليل عذّبه الجفا والناس في برد وظلام
و منك الدفا يبغا الدفا
والنوم وده لو ينام
ياعذبة الضحكه كفا
كل الفصول صارت شتاء .. من يوم اخذتي الشمس

New4:


مذهلة

مُذهلة .. !
ماهي بس قصة حسن ...
رغم ان الحسن فيها بحد ذاته .. مشكلة

مُذهلة ..
كل شي فيها طبيعي .. ومو طبيعي
أجمل من الأخيلة
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !
يا أعذب من الأمنيات ..
يا عالم من الأغنيات ..
يا أجمل الشعر البديع ..
من آخره لين أوله ..
ما راودتك الاسئلة ؟!
ليه عمري ما لقى لبرده دفى ..
الا دفاك ِ !
ليه قلبي ما بدقاته عزف لحد ٍ ..
سواك ِ !
ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة

New4:


ياعذبة الخد

يا عذبة الخد ياللي اشتاك الصد
اليوم عيدك ..
لا .. انتي عيد اليوم
ياللي عذابي فيك اكثر من سنينك
تصدقي اني في عيدك مادري وش اهديك
اتعبني الأرق باهديك شي مثلك
قالوا لي ورد واتعبني الأرق
قالوا اكيد أرق شي الورد
قلت الاكيد ان انتي أرق
في حل وحيد ..
لو تسمحي لي فيه ..
اهديك انا للورد

New4:


قد الحروف


قد الحروف
قد الحروف اللي في اسامي العاشقين بحبك
قد الثواني
والدقايق والسنين ،، بحبك
قد الهموم اللي في قلوب البشر
قد العيون اللي كحلها السهر
قد ما ليلي اشتكى من نار حبك ،،،
قد ما ليلي حكى عن طول بعدك

ليه القمر غالي عليا ؟؟
يمكن عشان في نوره وبعده في حاجه منك
ليه الشتاء ،،، في قلبي حزين ؟؟
يمكن عشان برضه بقساوته ،،، في حاجه منك
ليه السحاب بعشق بياضه ؟؟
يمكن عشان زي قلبي ،،، في قربي منك
ليه المطر ،، بيصعب عليا ؟؟
يمكن عشان يشبه دموعي ،،،، في بعدي عنك
ليه لما تبعد .... عن عنيا ،، بخاف عليك ،،، وبرضه منك
ليه لما اشوف في السماء نجوم كتير ،،، منها بغير ؟؟
يمكن عشان قد السماء وقد النجوم ،،، بحبك

New4:




لي باك

[صامطية]

قالت احبك
واحضنتي ثم ٍ قالت من انت ؟؟
وضحكت .. ثم ٍ بكت
ثم ٍ حكت .. ثم ٍ سكتت
ثم ٍ قالت لي من انت !!

اللي جرى .. ماهو غريب
الزمن فعله .. عجيب
نسّاها اسمي ..
نسّاها حبي ..
نسّاها دمعي ..
في يوم انا ..
في احضانها طفل وحبيب !!

ياهي جرحتني .. يوم نكرتني
حاولت اداري عبرتي .. بس ماقويت
خانتي دموعي .. وبكيت
وبعدت عنها واتبعتني وامسكت يدي
واحضنتي ومسحت دمعتي من فوق خدي
رجعت البسمه لشفاي
نسيت انا همّي وشقاي
صرخت للدرب الطويل
لا مانستني .. مستحيل
الزمن او اي شي ..
يقدر يقسيها علي
يقدر ينسيها هواي
وفجاءه سكتت
ثم ٍ ضحكت
ثم ٍ قالت لي من انت ؟

New4:

روز من حسن حظي أنني بحثت في قديم المنتدى ووجدت موضوعك ما أروعك يا بن مساعد وما أروع شعرك وقصيدتك تلك التي أعشقها

[الــريــف]

ابحرفي بحرالكلمات واجدف طويلاً حتى تكل يداي وتخورقواي ورغم ذلك لااجدمااقوله في حق ذلك المبدع الرائع عبدالرحمن بن مساعد


ابراهيم الفرحان(ريف)