قصيدة طالبة كارهة المدرسة !

[السحر الحلال]

هذي يا اخوان سالفة وحده كل مار احت للمدرسة تتهزأ .. كرهت المدرسة وكرهت حياتها .. و تقعد بروحها وتعصر مخها وتقول قصيدة :


أفطر الصبح زيتونه......وأروح المدرسة مزيونه

أرجع البيت مهمومه......وشكلي كأني مجنونه

أذاكر ليل ونهار......وأصبر عالألم والنار

مع هذا أجيب أصفار......وما أطلع من الشطار!!

والله إني مظلومة......كله من أبله ميموونه

الحصه الأولى فاضيين......والثانيه علينا دين
والثالثه رياضيات......جاتنا أبله عطيات

مليت أنا من هالحصص......كل يوم نفس القصص

تعبت أضرب وأقسم..أحل معادلة أو أرسم

عاد درس الصرف......ما فهمت منه ولا حرف

أما قسم الأعراب ......ما بفهمه ولو شاب الغراب

ما أعرف أكتب تعبير......وما أفرق بين المفرد والجمع تكسير

بوصف لكم معلماتي......ياللي نكدن لي حياتي

نبدأ بأبلة العلوم......هذه تخص عمي سلوم

وعاد أبلة الفنية...... شكلها مره جنيه

و أبلة العربي......فالحة بس في ضربي

وأبلة الأنجليزي......تاكل رطب خنيزي

وأبلة الموسيقه......تتمنى تصير رشيقه
وأبلة الجغرافيا ......تمشي وهي حافية

وأبلة التاريخ......تصنع طايرات وصواريخ

وأبلة التربية الأسريه......راعية الفرن والصفريه

أما المعلم الخصوصي......ماادري؟؟يتكلم روسي

يوم السبت نسيت فلوسي......والأحد انقلعت ضروسي

في الحصه سرحانه......للبيت ولهانه

تعب راسي من التفكير......وعقلي شويه وبيطير

ياناااس رحموني......وبالنجاح ادعو لي

ملطوش

[قاحي]

الله ينجحها.....

بس على فكرة تتوقعون أبنائنا وأخواننا ليه مايحبون الدراسة

برأي كل واحد منكم؟

[الصاعق]

أذاكر ليل ونهار......وأصبر عالألم والنار

مع هذا أجيب أصفار......وما أطلع من الشطار!!


كأنها تتكلم عني

وياليتها ماتكلمت



بس الحمدلله على المقسوم


شكراً السحر الحلال

[الشفق]

للأسف الشديد طلابنا لا يحبون الدراسة إلا القلة القليلة منهم

[منيفة]

مايحبون الدراسة لإن ماعندهم هدف يبغون يحققونه


ويقولون الوظيفة مافي فليه نتعب ارواحنا في المذاكرة


نجي للمدرسة عشان نتسلى بس

[أحمد عكور]

للأسف الشديد طلابنا لا يحبون الدراسة إلا القلة القليلة منهم
كلامك صح " طلابنا"

أما "طالباتنا" فهن يمتن في الدراسة..

[منيفة]

يمتن في الدراسه هههههههههههههههههه

ذاك كان أول

[عثمان المنقري]

نتكلم بصراحة ونكون واقعيين ما هو الشيء الي يجذب الطالب للدراسة
المدرسة:مبنى متهالك مستأجر
المعلم:أسلوب عقيم في التدريس وطرق بدائية
ادارة:روتين ممل أهتمام بالكم لا الكيف
نشاط:حبر ورق
طالب:بدون طموح (فاقد الأمل بالمستقبل)
منهج:حفظ وتسميع

[المعتز]

اتفق مع السندباد لقد ضربت فأوجعت
فالمدرسة مستأجرة
ومعلم عقيم كمان
وادارة روتيين
والطالب لاحول ولا قوة له فاقد الامل
هذه كلها عوامل النهضة في تعليم المنطقة اختصرها اخونا السندباد .... هنيئا لكم
وغيركم يقبع في العز
الفارق انهم يطالبون ونحن مطبقون " لان لدينا تفكير ايجابي عجيب وايحاءات مبرمجة غريبة "

[ماطور]

الله يكون في عونها