المساعد الشخصي الرقمي

مشاهدة النسخة كاملة : قصيدة مضحكة محزنة معجزة



عاشق الرونة
24 -08- 2008, 06:21 PM
أقدم لكم رائعة من روائع احد اركان الشعر النبطي



الا يالله عـفوك لا مـعــي بـيـجـر ولا جــــــوال=ولا عـنـدي وظـيفـة والـتجـارة فـاشـل فيها

ولا عـنـدي شـهـادات(ن)ولا حـرفة تسدالـحـال=ولا حــظ(ن) كبـيـرلا اخـطـت الجـرة يقـديها

مخابي الثوب تومي ما دخلهـا مـن زمان ريال=بـهــا فـاتـورة الكهـرب ولا يـمدي نقضـيها

على ذيـك العـراوي تتعـب الحادي مـع الجمال=ثـلاث شهـور فـي الـورشـة وشهـريـنٍ مغطيـهـا

ابيهـا لو تجـمـل يــوم واجلبهـا عـلى الدلال=يجيـهـا واحــدن حـظـه مـثـل حـظـي ويشـريها

نصيـت العسكـريـة يـوم قـالـوا للنـظـام رجال=وقدمت الملــف وصــورت(ن) متشـــخـص(ن) فيهـا

وخـذا لاوراق منـي واحـد مــا عـنـد ابـوه دلال=سلـوم النـاس واهـل المــعرفـة والطيـب مخطيها

قراهـا فـي دقيقـة والتفـت عجـل(ن) علي وقـال=شهـادتـك العظيـمـة يـاولد ويــن انـت مخفيها

اهـز الـراس ماعنـدي تقـول انـي مــن البـقال=وقـمـت احــب خشـمـه واطـلـبـه بالله يمشـيـهـا

حذفهـا مـن يـده شـيـن الطبيعـة والنبا والفال=وقــال ازيــن تـعـود صــوب نوقـاتـك تعشـيهـا

تناوشتـه مـن الكرسـي وعفـت الحـــل والترحـال=وضربـتـه بالبـيـالـه عـقــب مابـيـحـت شاهـيها

وخذونـي للسـجـن لانـيـب لا ظــــالـم ولا محـتـال=مـجـرد واحــد(ن) جــا يكـحـل عيـونـه فيعميهـا

ويوم اني خرجــــت اقفــــيت لارض الله وسيع الحال=عـلـى بــر(ن) هــواه يــداوي الـعـلـة ويبـريها

ادور قصعـة الجربـوع والضــــب الفـتـى يحـتـال=والارنــب يـــا شـفــاة الله مـحـلاهـا وطـاريـهـا

بـلا كـهـرب ولا بيـجـر ولا غــاز(ن) ولا نــــقـال=قوانـيـن الحـضـارة لاتـبــي شـوفــي ولا ابـيـهـا




الشاعر (( سعيد بن مقبل الاكلبي ))

منقول للأمانة (عاشق الرونة)

أبو حذيفة
25 -08- 2008, 11:17 PM
قصيدة جميلة أعجبتني يا عاشق الرونة
فقمت بتنسيقها نيابة عنك
حفظك الله

عبدالكريم قيسي
25 -08- 2008, 11:28 PM
جميله يسلم الكاتب والله
تحياتي::sa02::

عاشق الرونة
28 -08- 2008, 08:02 AM
شكرا
ابوحذيفة
عبدالكريم قيسي
على المرور
احنا تلاميذ في مدرستكم يابوحذيفة
شكرا من الاعماقhttp://www.w6w.net/album/35/w6w200504201824498f4c93f4.gif