من يقول ان الهوى وزنه خفيف ؟؟؟

[عديل الروح]

من يقول ان الهوى وزنه خفيف ؟؟؟
لاشك انه للمحبه ماعرف ..!!!

الهوى علّه وقربه يا لطيف
سيل عارم من أمامه ننجرف

ان قربت منه صار إلـك حليـف
وان أبعدت عنه .. عنك ينصـرف

وان جرحته جرح ولو انه طفيف
صار يرمي بالخيانة والشـرف

وان كان دوم تاريخك معه نظيف
يرمِقـَكْ في كل نظراته من طـرف

هذا هو الهوى ربيعه والخريف
منهجه واحد .. ما تغيـر ما انحـرف

في معظمه ما يجي لك على الكيـف
هو ضروري بالحياه والا تـرف ؟؟؟

بعض الهوى ما يلقى له تصاريف
وبعض الهوى تعشـقه ولو بحـرف

وبعض الهوى لعب و تمثيل يا حيـف
وبعض الهوى يسبب لك خوف وقـرف

وبعض الهوى ماله أية تواصيف
وبعض الهوى الدمع منه ينذرف

وبعض الهوى تصونه لك المواليف
وبعض الهوى من الهوى ينغرف

وبعض الهوى لأهل الهوى تلاطيف
وبعض الهوى يتحكم به دوم ظرف

[إحساس صادق]

عديل الروح
قيصدتك جميل وتحمل معاني اجمل
بس ياليت تعيد صياغتها بشكل أجمل
حاول تخليها على لحن وشوف وزنها
الله يعطيك العافيه

[الشريف الرضي]

كلمات قليل بأن توصف بالروعة فهي تجاوزت مسمعي واخترقت حدود قلبي ....

سلمت أخي عديل ياصاحب الذوق الرفيع .