شر البلية مايضحك ..

[ديوانك وطني]

هذا الله يسلمكم تخبرون العواطليه عندنا في ازدياد رهيب وانواع الحالات النفسيه المستعصيه بدت تستفحل

بين الشباب المسكين ومن يسمعون عن تقديم على وظيفه لو في الخرخير و راتبها مايسوى راحوا هناك يقدمون ,مع العلم ان المطلوب دائما عدد بسيط ومحدود والمتقدمين اكثر من عشرات الالاف من العواطليه الله يكون بعونه ..

اعلن الدفاع المدني بعموم المناطق عن تقديم وظايف عسكريه مالكم بالتفاصيل كل عواطليه سمعوا هالخبر في كل منطقه اتجهوا الى اماكن التسجيل وبحكم اني بالشرقيه وكنت متواجد هناك بعطيكم التفاصيل من البدايه وحتى النهايه

طبعا بحكم ان العدد المطلوب قليل فأكيد الاستمارات راح تكون قليله مقابل الاعداد الغفيره من الجماهير

فكانا متواجدين من حوالي الساعه 2 بالليل وكان فيه جمع غفير من الجمهور اللي لهم علاقه بالتسجيل واللي مالهم علاقه ..

انتظرنا امام بوابه مركز التدريب الى الساعه السادسه صباحا ( ابوك يالدقه ) فكان اللحظه الحاسمه بعد انتظار دام مايقارب الاربع ساعات متواصله في طقس من البروده قام الجمهور بكسر الباب

http://members.abunawaf.com/qahar/Members/1.jpg

وهذي الصوره توضح بداية مداهمة البوابه وكسرها بالقوه بعد حصار دام اربع ساعات

وكان فيه تعليق طريف على عملية كسر البوابه زي ماتشوفون بالصورتين تحت

http://members.abunawaf.com/qahar/Members/2.jpg

هذا احد المتقدمين يعاين الموقع ويقول يبي يتأكد من ان خوييه يقدر ينط والا لا

http://members.abunawaf.com/qahar/Members/3.jpg

وهذي صوره توضح الغنائم بعد عملية كسر الباب الاستشهاديه ولو تلاحظون واحد بالصوره ماسك شماغ وتحته شماغ وماسك الجوال تراه يتصل على ولده وينشده عن نوع شماغه والولد يقوله شماغ العقل يايبه والوالد يقوله البسام بصمة 8

http://members.abunawaf.com/qahar/Members/5.jpg



بعد عملية الهجوم المذكوره تم طلب دعم من قبل الدفاع المدني وجتك مجموعه من الجيوب اللي دخلت داخل الساحه علشان ترد المتواجدين على ادبارهم ويتقهقرون للخارج ولكن مافيه فائده

http://members.abunawaf.com/qahar/Members/4.jpg

هذا واحد من العسكر استسلم للامر الواقع وجلس يحتسي كوب من الشاي بلا هم بلا وجع راس

ان شاء الله طول عمرهم ما انقبلوا وظيفتي ومضمونه

المهم واحد من الموجودين من لجنة القبول ركب له جيب وفتح المكرفون وقعد يتكلم معنا ويطلب من الجميع انهم يجلسون على الارض لا ويقول الحمدالله الحمدالله الاستمارات ان شاء الله انها كافيه وعددكم وزياده والحمدالله انه عندنا تقنية متقدمه في عملية التسجيل امحق تقنيه يعني بتوزع الاستمارات بخرطوم

وبعد ساعتين من الحكي الطيب والزين جلسنا ننتظر توزيع الاستمارات ،، بعد ما حدد الاشخاص اللي بيوزعون الاستمارات مايمداهم يرفعون روسهم الا والعالم منهله عليهم ومزاحم وترجيف كل واحد يبي استماره وعادة عملية الفوضى وسوء التنظيم من جديد . الى درجه ان احد اللي يوزعون الاستمارات

رمى كل الاستمارات بالهوا وهرب من مكانه وبصراحه بعذره والله على الزحمه اللي صارت له

كل شي موضح عندكم في مقاطع الفيديو من خلال هذا الرابط استعرضوا الصور ومقاطع الفيديو

وطالعوا كيف عملية تنظيم التقديم للوظائف في الدفاع المدني وكيفية استخدام وسائل التقنية الحديثه

اللي يقول عنها الضابط ، وعلى فكره نفس الحركه اللي صارت بالدفاع المدني نفسها بعد في القطاعات العسكريه بالضبط ويمكن اعظم من كذا .. وسمعت واحد يقول ان التقديم بالرياض المتواجدين

فوق ستة الاف متقدم والمطلوب كله مايتجاوز الميه يمكن وتدخلت الجهات الامنيه من المرور والشرطه في تنظيم الجموع الغفيره هناك ..

الملف المضغوط يحتوي على 7 مقاطع فيديو مأخوذه من الجوال

http://movie.abunawaf.com/2005/02/civil.zip

حجم الملف : 1 Mb

-----------------------------------------------------------------------

عبر الايميل

[أبوإسماعيل]

والله مسؤلين الغفلة

اللي ما وراهم غير ترس جيوبهم بالرواتب
وترس كروشهم بالمفطحات

وآخر شيء يفكرون فيه
التفكير في وسائل التنظيم
والتفكير بشكل عام .


مشكورة
يا ديوانك