abdulsalam
02 -04- 2005, 07:26 PM
سلام عليكم ..
كيفكم ؟؟ زينين ؟؟
اليوم موضوعنا عن الإنترنت
تعرفوا كيف بدأت الإنترنت ؟ وكيف طريقة عملها ؟
أول شي في البداية الجيش الأمريكي كان يوزع الملفات المهمة والسرية على عدة أجهزة في مناطق مختلفة علشان لو صار هجوم على منطقة يكون عندهم نسخة من ملفاتهم في منطقة ثانية ويقدروا يسحبوها من هناك عن طريق الإتصال
يعني الهدف الرئيسي كان " النسخ الإحتياطي "
وبعدين تطورت هذه الحركة وكبرت وصارت بين أجهزة أكثر وعمموها أكثر بعد ماكانت مخصصة للجيش بس
إلى لين صار الإنترنت إلا الحين احنا نستخدمها !!
زين .. هالإنترنت كيف مستوية ؟ ووينهي ؟؟
الإنترنت هي عبارة عن أجهزة مختلفة .. يمكن تكون كمبيوترات عادية يمكن تكون سيرفرات ويمكن تكون راوترات
وهالأجهزة هذه تكون مربوطة ببعضها البعض وهذه الحركة يسموها شبكة
وفيه زي هالشبكة شبكة غير وغير وغير وكل شبكة مشبوكة وي الشبكة الثانية .. غفصة يعني
ومن چديه سموها الشبكة العنكبوتية .. لأنها منتشرة في كل مكان زي شبكة العنكبوت
يعني مانقدر نحدد مكان الإنترنت .. هي منتشرة في العالم كله
زين .. في هالغفصة هذه .. كيف تنتقل البيانات من مكان إلى مكان محدد ؟؟
انا أقول لك كيف ..
البيانات تنتقل في الشبكة على شكل رزم Packets ويسموها حزم بعد .. وكل رزمة تحمل معلومات معينة ومن ضمن هالمعلومات عنوان المرسل والمرسل إليه
بالضبط زي البريد العادي
إنت لين جيت ترسل رسالة لصديقك إلا ساكن في النرويج
تكتب الرسالة وتحطها في ظرف وتكتب عليه عنوان المرسل والمرسل إليه
وهذا إلا يصير في إرسال البيانات في الإنترنت
البيانات تنحط في الرزمة وينحط وياها عنوان المرسل والمرسل إليه
وتمشي في الإنترنت إلى لين توصل إلى الوجهة المطلوبة
فيه تفاصيل تقنية ودقيقة واجد في هالموضوع .. بس خلينا نتكلم بسطحية أكثر علشان الكل يفهم
مانبغا نقول إن فيه شي اسمه CRC وفيه طبقات مختلفة تمر فيها الحزمة و و و و الخ
المهم ..
إنت إذا شبكت إنترنت جهازك يصير جزء من الإنترنت .. ويصير له عنوان فريد وهذا العنوان اللي الحين يمتلكه جهازك .. مافي أمل لأي جهاز ثاني في العالم كله إنه يمتلكه
بس إنت .. وهذا هو الـ IP
فإذا فيه حزمة جاية إلى جهازك .. بتوصل بس لجهازك لأن هو الوحيد اللي يمتلك العنوان المسجّل (المكتوب) في الحزمة
وفي النهاية أبغا أوضح ليكم شي الكل حاقرنه
وهو الإنترنت والويب
إذا قريتوا كتاب عن الكمبيوتر والإنترنت أو شاهدتوا برنامج يتكلم عن الإنترنت في التلفزيون
ماتسمعوا المعلّق يقول تصفح الإنترنت .. ومواقع الإنترنت
ويش يقولوا عجل ؟؟
يقولوا مواقع الويب .. تصفح الويب .. خدمات الويب
لاويه بعد هالتعقيد !!
ههههه
الإنترنت هي الأجهزة والكمبيوترات
والويب هي الملفات والمواقع
يعني لو تجي للسالفة .. تشوف إنها مكونة من هاردوير وسوفتوير
الهاردوير يسموه إنترنت
والسوفت وير يسموه ويب
يعني كلمة تصفح الإنترنت ومواقع الإنترنت المفروض إنها تكون خطأ .. بس خلاص الناس تعودوا عليها
يعني لو يجي واحد ويقول ويب .. بيقولوا إنه هذا يسوي نفسه عدل ويتفلسف زيادة
بتشوفوا المعلومات مو مرتبة لأني كتبت الموضوع بسرعة .. بس مافي مشكلة .. أهم شي إنكم تجمعوا وتفهموا القصد
وبتظل هذه هي الطريقة إلا بستخدمها .. على طول من يجي في بالي شي بكتبه وبدون تنقيح ومصادر
وإذا عندكم ملاحظات لا تستحوا
كيفكم ؟؟ زينين ؟؟
اليوم موضوعنا عن الإنترنت
تعرفوا كيف بدأت الإنترنت ؟ وكيف طريقة عملها ؟
أول شي في البداية الجيش الأمريكي كان يوزع الملفات المهمة والسرية على عدة أجهزة في مناطق مختلفة علشان لو صار هجوم على منطقة يكون عندهم نسخة من ملفاتهم في منطقة ثانية ويقدروا يسحبوها من هناك عن طريق الإتصال
يعني الهدف الرئيسي كان " النسخ الإحتياطي "
وبعدين تطورت هذه الحركة وكبرت وصارت بين أجهزة أكثر وعمموها أكثر بعد ماكانت مخصصة للجيش بس
إلى لين صار الإنترنت إلا الحين احنا نستخدمها !!
زين .. هالإنترنت كيف مستوية ؟ ووينهي ؟؟
الإنترنت هي عبارة عن أجهزة مختلفة .. يمكن تكون كمبيوترات عادية يمكن تكون سيرفرات ويمكن تكون راوترات
وهالأجهزة هذه تكون مربوطة ببعضها البعض وهذه الحركة يسموها شبكة
وفيه زي هالشبكة شبكة غير وغير وغير وكل شبكة مشبوكة وي الشبكة الثانية .. غفصة يعني
ومن چديه سموها الشبكة العنكبوتية .. لأنها منتشرة في كل مكان زي شبكة العنكبوت
يعني مانقدر نحدد مكان الإنترنت .. هي منتشرة في العالم كله
زين .. في هالغفصة هذه .. كيف تنتقل البيانات من مكان إلى مكان محدد ؟؟
انا أقول لك كيف ..
البيانات تنتقل في الشبكة على شكل رزم Packets ويسموها حزم بعد .. وكل رزمة تحمل معلومات معينة ومن ضمن هالمعلومات عنوان المرسل والمرسل إليه
بالضبط زي البريد العادي
إنت لين جيت ترسل رسالة لصديقك إلا ساكن في النرويج
تكتب الرسالة وتحطها في ظرف وتكتب عليه عنوان المرسل والمرسل إليه
وهذا إلا يصير في إرسال البيانات في الإنترنت
البيانات تنحط في الرزمة وينحط وياها عنوان المرسل والمرسل إليه
وتمشي في الإنترنت إلى لين توصل إلى الوجهة المطلوبة
فيه تفاصيل تقنية ودقيقة واجد في هالموضوع .. بس خلينا نتكلم بسطحية أكثر علشان الكل يفهم
مانبغا نقول إن فيه شي اسمه CRC وفيه طبقات مختلفة تمر فيها الحزمة و و و و الخ
المهم ..
إنت إذا شبكت إنترنت جهازك يصير جزء من الإنترنت .. ويصير له عنوان فريد وهذا العنوان اللي الحين يمتلكه جهازك .. مافي أمل لأي جهاز ثاني في العالم كله إنه يمتلكه
بس إنت .. وهذا هو الـ IP
فإذا فيه حزمة جاية إلى جهازك .. بتوصل بس لجهازك لأن هو الوحيد اللي يمتلك العنوان المسجّل (المكتوب) في الحزمة
وفي النهاية أبغا أوضح ليكم شي الكل حاقرنه
وهو الإنترنت والويب
إذا قريتوا كتاب عن الكمبيوتر والإنترنت أو شاهدتوا برنامج يتكلم عن الإنترنت في التلفزيون
ماتسمعوا المعلّق يقول تصفح الإنترنت .. ومواقع الإنترنت
ويش يقولوا عجل ؟؟
يقولوا مواقع الويب .. تصفح الويب .. خدمات الويب
لاويه بعد هالتعقيد !!
ههههه
الإنترنت هي الأجهزة والكمبيوترات
والويب هي الملفات والمواقع
يعني لو تجي للسالفة .. تشوف إنها مكونة من هاردوير وسوفتوير
الهاردوير يسموه إنترنت
والسوفت وير يسموه ويب
يعني كلمة تصفح الإنترنت ومواقع الإنترنت المفروض إنها تكون خطأ .. بس خلاص الناس تعودوا عليها
يعني لو يجي واحد ويقول ويب .. بيقولوا إنه هذا يسوي نفسه عدل ويتفلسف زيادة
بتشوفوا المعلومات مو مرتبة لأني كتبت الموضوع بسرعة .. بس مافي مشكلة .. أهم شي إنكم تجمعوا وتفهموا القصد
وبتظل هذه هي الطريقة إلا بستخدمها .. على طول من يجي في بالي شي بكتبه وبدون تنقيح ومصادر
وإذا عندكم ملاحظات لا تستحوا