على كثر السنين اللي عرفتك.. ماعرفتك زين
تمنيت إني ماشفتك ولا لحظه.. ولا شويه
حسبت إنت وأنا نبقى حبايب نبقى أحلى إثنين
حسبتك تبقى لي طول العمر مخلص وفي ليه
وأثاري حبنا كذبه نسيت العشره في يومين
زرعت الشوك أنا بنفسي .. غرست الهم بإيديه
أنا ماكنت اظن اللي يحب.. يحب له شخصين
على بالي أنا لحالي حبيبي يموت بس فيه
على النيه مشيت وماعرفت أمشي معاه لوين
الين الوقت بين لــي نوايا غــدر مخفــيه
تعال وشوف وش كثر الدموع اللي تخون العين
كثر ماخاننـــي حظي وعرفتك وإنت مــو ليه
أنا شاللي يصبرني على همي معاك إلى الحين!
خـــلااااص إبعد وأنا ببــعد ولا تسأل أبـد فيه
وإذا قصدك تبيع وتشتري قلبي أنا بحرفين
ابمحي الحب من قلبي وأعيشك ذكرى منسيه
اناني مثل ما انت ولا يفرق معاك البين
وأنا ماعاد تعني لي وخساره فيك.. ماضيه
