ليلة فراق و بـرد و بـروق و ريـاح
...............وصوت المطر يفصل اخطاها عن خطاي
نقرب .. وتنبت فالوطى بيننـا رمـاح
...............حتـى تلاقينا..لقـا الريـح والـنـاي
آخر لقا يغـزل مـن الغيمـة وشـاح
...............وأول لقا يمضي .. بـلا موعـد جـاي
مسحت عن وجناتهـا صبـر وجـراح
...............وأنا جراحي كانـت أكبـر مـن بكـاي
قلـت أذكرينـي ماهمـا بـارق ولاح
...............وأيّاك تبكينـي تـرى الدمـع نسّـاي
إذا سألوك الناس .. قولي لهـم : راح
...............بالك يجـي طـاري وداعـي وفرقـاي
ترى الفراق الموحش .. فـراق الأرواح
...............أما الجسد لـو غبـت تحييـه ذكـراي
صدّت .. و في وجناتها الدمـع ذبـاح
...............وأنا أعتـذر لعيونهـا عـن سوايـاي
تبكي وأنا أمسح دمعهـا كـل ماطـاح
...............كنت أحسب كفوفي بتمسـح خطايـاي
لو اجرحتني وقتهـا .. يمكـن أرتـاح
...............لكنهـا.. وبـدون كلـمـة ولا راي ..
أقفت توّدع عمرهـا اللـي معـي راح
...............وأقبلت أودّع عقبهـا عمـري الجـاي
