لقد حصل لي شيء غريب في التعامل مع المستهلكين من مصنع أبوالجد

السلام عليكم جميعاً

لقد حصل لي شيء غريب في التعامل مع المستهلكين من مصنع أبوالجد
مصنع أبوالجدايل .. هو المصنع الذي يصنع الكثير من أنواع المشروبات

عصائر سيزر + بايسن + كادي + سمارت كولا

أنا أخبر المصنع ذو جودة عالية ..
وعندهم شهادة الجودة للأيزو .. وعندهم شهادات منظمة سلامة الغذاء

لكن .. اللي شفته .. شيء مو طبيعي

ذاك اليوم رحت اشتريت عصير سيزر أناناس
ومن الطبيعي أن تكون في قاع العلبة رواسب عصير .. تحتاج رج العلبة عشان تكون مكونات العصير متجانسة

أنا ما أدري ليش .. رفعت العلبة أشوفها من تحت .. شفت رواسب .. صلبة لونها أسود !!!

(تشوفونها واضحة في الصورة الثالثة وضوح شديد )

تأكدت .. طالعت مرة ومرتين ..

رجيت العلبة إلى أن ذابت جميع الرواسب الطبيعية .. وبعد شوي .. لاحظت القطع السوداء الصلبة تنزل للقاع

اتصلت على الرقم الموضح على العلبة ( رقم المصنع)
رد علي واحد .. شرحت له السالفة

قال : لازم تكلم مدير المبيعات ,, هو المسؤول عن مثل هذي المشاكل
وقال اسمه (أبو سليمان)

رقمه 026080199

اتصلت عليه .. وأخذ الموضوع باهتمام .. وطلب رقمي
عشان يتصل فيني مدير المنطقة الشرقية

اعطيته الرقم

بعد خمس دقائق اتصل فيني شخص مصري الجنسية
يقول هو مدير المنطقة الشرقية
رقمه
0558989006

وشرحت له السالفة

وسأل .. فتحت العلبة ؟؟
قلت : لا .. لأني لوفتحتها ما فيه عندي أي إثبات أن العصير متلوث من المصنع

قال: وين أجي لك ..؟؟

قلت :
أنا في الدوام في الخبر ...

تبي تجيني الدوام .. أو بعد العصر بالدمام

قال .. ممكن أجي لك وين ماكنت ..

وبعد ربع ساعة جاني ..

ومعاه مدير التوزيع (باكستاني) أو هندي ..
رقمه 0568610347

وأخذوا مني علبة العصير ..

(وأنا كنت محتاط مصورها ))

وشافوا القطع الصغيرة ..

وقال مدير المنطقة ..
أن هذي رواسب من ماكينة التعبئة .. لازم يسوون لها صيانة


ووعدني مدير التوزيع الهندي بالتعويض ..

واليوم الثاني .. جاب لي .. صندوقين من عصير سيزر أنانس

وأفتحهم الصندوق .. ويطلعون نفس المشكلة .. نفس الرواسب موجودة في الصندوقين

واتصلت على الهندي اللي جابهم

.. وجاء يعتذر ويتأسف ,, واخذ الصندوقين

وبعدها ما جاء ولا اتصل

وأنا لي شهرين .. أو أكثر .. كل ما أروح بقالة .. أشوف الأناناس . .. أشوف فيه نفس الرواسب

فقلت مدام أن الشركة مو مهتمة تصلح الوضع
لازم أنشر وأوعي الناس
http://ro0o.net/upfiles/4WH88564.jpg

http://ro0o.net/upfiles/9cn88564.jpg
http://ro0o.net/upfiles/Pha88564.jpg

http://ro0o.net/upfiles/VNi88564.jpg

http://ro0o.net/upfiles/1jE88564.jpg

http://ro0o.net/upfiles/GIi88564.jpg

http://ro0o.net/upfiles/7eT88735.jpg

للأسف
مو واضحة الصورة عندي

شكرا على اهتمامك

تم إحضار الصور

وأبو الجدايل بعدما شبع فلوس وانتفخت أرصدته هو وأولاده من جيوب الشعب السعودي
تركنا للمصري والبنقالي اللي يبعون ويشترون فينا ولا همهم .
وسلم لي على وزارة التجارة الخربانة .
وربنا لطيف خبير


شكرا عبده