مها وخالد
تم تحديد العرس ..
وزعت الدعوات ..
.......
فجأة يتخلى خالد عن خطيبته ..
ويتزوج ببنت أحد التجار ..
ويجني أموالا طائلة ..
ويدخل في عالم الأسهم ..
ويزداد جشعه ..
يبتعد عن أسرته ..
يقيم في فيلا مع زوجته الثرية..
كانت ماكرة ..
طلبت أن تكون العمارة باسمها .. والسيارة باسمها ..
مع انهيار الأسواق .. خسر كل شيء ..
وتتراكم عليه الديون ..
فكر يبيع العمارة والسيارة ..
ترفض الزوجة ..
يقف والدها في صفها ..
يدخل خالد السحن ..
تطلب زوجته الطلاق ..
تتزوج ..
ترمي البنت عند جدتها ( أم خالد ) ..
بعد سنتين أمضاها في السجن ..
خرج خالد على الحديدة ..
عاد إلى بيته القديم .. إلى أمه ..
أمه صابرة ..
الأم عندها بعض القروش تعطيه يدبر نفسه ..
أخذ له سيارة مستعملة يكد عليها ..
تغيرت الأحوال ..
تخلى عنه الأصدقاء ..
خالد واصل المكدة ..
على باب الله ..
يوم تشتغل السيارة ويوم معطلة ..
( مها ) خطيبته الأولى علمت بخروجه من السجن من خالته ( أمها )
حصلت على جواله ..
الجوال يرن ..
رقم غريب ..
- نعم ..
- كيف الحال ؟
- أهلين مين معاية ؟
- الحمد لله على السلامة ..
- الله يسلمك مين معاية ؟
- جيب البنت أربيها مع حسام .. ترانا أهل ..
أقفل الخط
ياه , ياه , ياه ..
لم يصدق خالد أن ذلك الصوت صوتها ..
مها !!
مها !!
مها !!
بنت الخالة ..
تبغى تربي البنت .. بعد اللي سويته فيها ..
تذكر خالد كيف جرح مشاعرها ..
بعد خطبة ثلاث سنوات .. وتعلق من الطفولة ..
عادت به الذاكرة ليقف على أبواب الندم ..
لم ينم ..
طول الليل يلوم نفسه ..
كيف صار هذا ؟
يتذكر مها وأيام مها وليالي مها وووو ....
يا رب سامحني ..
بعد اللي سويته فيها تبغى تربي البنت ..
والله أصيلة يا مها ..
الدنيا بخير ..
يتفاءل من جديد ..
- صباح الخير يا أمي : عندي خبر غريب ...
- خير يا ولدي ..
- البارحة اتصلت ( مها ) بنت الخالة وطلبت البنت تبغى تربيها ...
إيش رايك ؟
الأم : الله يوفقها .. خرجت تنهيدة لها دلالتها ..
اللي صار صار .. الله يسترها ..
خالد : هاه .. إيش رايك في كلامها ؟
الأم : كلامها حق .. البنت تحتاج رعاية وأنا عاجزة وأنت مشغول ..
و( مها ) الله يسترها أمها .. تراها رضعتها يوم رمتها هذيك الشيطانة ..
لم يصدق خالد !!!
يا ألله كل هذا يكون منك يا ( مها ) !!!
تزدحم العبرات في حلق خالد ..
ويبتل وجهه بالدموع ..
خالد ينكس رأسه تحت تأنيب الضمير ..
ويحمر وجهه من صفعات الندم ..
ويحتقر نفسه خجلا ..
الأم : يا ولدي اللي صار صار .. الليلة أروح أودي البنت عند أمها ( مها ) أم حسام ...
عاد خالد لدروب الحياة ..
يبحث عن وظيفة ..
يواصل المكدة ..
سلوك ( مها ) .. غير من خالد الشيء الكثير ..
حافظ على الصلاة ..
أقلع عن التدخين ..
ترك القات ..
بدأ خالد يبحث عن بنت الحلال ..
المهر غالي ..
خالد يفكر يبيع البيت ..
بيت شعبي .. ثلاث غرف وصالة .. ويستأجر ..
الخبر وصل ( مها )
اليوم الثاني تروح عند أمها ..
- أمي هذي أمانة تعطيها ولد أختك .. وخليه يردها على مهله ..
وقولي له حرام يطلع أمه من بيتها ..
- الله يبارك فيك يا ( مها )
خالد يتصل : إيش هذا الي تسوينه يا ( مها ) ؟
( مها ) : ردها بعدين
خالد : لا يمكن
( مها ) : حرام تبيع بيت أمك .. إحنا أهل .. بعدين البيت واسع يكفيك مع أمك ..
خالد : بس هذا كثير .. وأنا ما أستاهل ..
( مها ) : لا تقول هذا الكلام وتوكل على الله ..
يدفع خالد المهر ويتزوج ويرزقه الله بعمل ..
