صبآح الحبّ يا حبي صباح ابثغرك اشراقه
صباح المسك والعنبر صباح الحب واشْوآقه
صباح ابطلّتك يشرق له الأزهآر مشتاقه
صبآح(ن) فيه كم شآعر تغنى يوصف احساسه
ونا الاحساس فيني انت لا قبلك ولا تالي
اغنيك ابقصيدي دوزنة و الوزن موالي
به الالحان تنشدها طيور الروض ياحالي
صباحك خير يا نور الفضا يا روح لانفاسه
صباح(ن) مآخذ(ن) نوره مِنَ اهْدابك و نظراتك
يحاكي كلْ ملامحكُ وْ يجسد كلّ هيئاتك
ليا تضحك ليا تنبس ليا تختالِ خطواتك
صباح(ن) ما وراه احْزان لا ليل(ن) ولا غْلاسه
صباح(ن) تنشد الأطيار لاسْمك دوم لا صاحت
تحلّي للفضا بانشادها تكسيه و اجْتاحت
مسامع كلّ من يسمع تداعب قلبهُ وْ رآحت
عن افْكاره هموم اليوم ينسى الهمّ من ساسه
صباحك فيه شمسينُ وْ مساك ابخدِّكَ انْواره
لآنك شمس دونِ اكْسوف فيك العين محتاره
تقول الله وهبك الحسن وحدك مجمل اسراره
صباحك به سواليف الهوى تنساب محتاسه
مَعَ انْفاسي مَعَ احْساسي مَعَ همسي بوجداني
تقول ابلا كلامُ وْ تشرح الاشــواق بالآني
صباحك للدجا يقشع يخلي الشين يزداني
صباحك به سعاده و الهنى وسمه و مقياسه
منقــــــــــــــــــــــــول
