الصـوره اللـي ( بجوالـي ) تعذبـنـي

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي
قطعـت كــل العـلاقـات وطواريـهـا

اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ عـلـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصـده ( راحتـي ) وحقوقـه اوفيهـا

من كثـر ماكنـت ! جارحنـي وظالمنـي
قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متـاك ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا

بكـره الا همـلـوك الـنـاس تذكـرنـي
وتقول عـزاه : عينـي مـن يداريهـا ؟

مـدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبنـي ؟
لــان الهـدايـا عـلـى مقدارمهديـهـا

صحيح ! ( حنا انتهينا ).. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا

فارقتنـي وضحكتـك عـيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانـت عارفنـي
عشان حاجه ؟ بقلبي .. مقدر !! أخفيهـا

اخـاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنـك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

تبي تعرف ! وش اللى على الفرقا مصبرنـي
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي
وياكثـر ماجيـت أبمسحهـا ؟ وأخليهـا

ابيات رائعه

يعطيك العافيه

سلمت يمناك على الطرح الجميل

لا عدمنا جديدك

تقبلي مروري

دمتي بود

حلو احساسك معانده

تقبلي مروري

رووووووووووووووووووووووووووعه


متاااااااااااااابع

اختيار موفق من ذائقه رائعه

سلمت يداك اخيه

قولدن

مشكور على مرورك

وجودك الاروع

قلم مذهل أختي الغالية معانده جروحي بالله قولي من أين لقلمي أن يجاري قلمك الراقي كلمات تستحق الاشادة والعودة مرة اخرى لكي أكتب تعليق أكثر من مرة لجمال ما قرأت باقة جوري لقلبك النقي ويسعدني مشاركتك دائماً بطرحك كوني بخير عيوووووووون المهااااااا

ع ــيون المها

اشكر وجووودك المميز في مواضيعي

دمتى بخير

توووووني

لاحرمني ربي طلتك

في متصفحي

حاكم العشااق

وجودك هنا كان الاروع

سعدت بتواجدك

english teacher

اسعدني مرورك العااااطر

تبي تعرف ! وش اللى على الفرقا مصبرنـي
انـك بخيـر .. وحياتـك مهتنـي فيهـا

معانده::sa05::
سارفع القبعة لهذة الذئقة

العمده

وانا سا أنحني لـ تواجدك هنا

اثلج صدري مرورك

لاعدمناااااك