اذا سعودي او سعوديه تعال ارحب؟؟؟

مساء الخير بمناسبة قرب يومنا الوطني اتمنى من كل االسعودين والسعوديات اللي بمنتدى يردو يالأبيات او اناشيد او اغاني عن اليوم هذا لكم كل ودي


لنحتفل بيومك ياااااااااااوطنا

يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها

انتمي لك والفخر لي شخص وارضه جزيرة
.................. من يلوم اللي يحبك ام وتغلي ضناها

يالسعودي بس اسمك لا لمع في كل ديرة
.................. والله انه تاج اكبر من على هامة سناها

شعب ودستور وأمه ترتوي من فيض خيره
.................. لا عدمنا من حكمنا ولا نسينا من بناها

من شمالك لي جنوبك كل شبر فيه غيره
.................. حاسدك ربي يعينه مادرى انه ما نساها

يحتمي بك رغم غيضه اه ياشين البصيره
.................. وين ماترحل عيونه يرجع ويذكر سماها

كل حرف لا كتبته غير اسمك استشيره
.................. وين يا كلي تمهل ارفق ولملم حلاها

ايه احبك يا بلادي دون شك ودون حيره
.................. كل عرق لا نشدته قال ينبض من غلاها

يا فديتك بالمشاعر والا روحي لك ذخيره
.................. ما تردينا من اول كيف لاجت في سواها

يحفظك رب كريم من صودايف عسيره
.................. يا منار الحق للي ضاعت حقوقه لقاها

دام ابو متعب يقودك سيري دروبك يسيره
.................. والمواطن في يمينه خط ما نبغى سواها

ايه احبك يا بلادي دون شك ودون حيره
.................. كل عرق لا نشدته قال ينبض من غلاها

يا فديتك بالمشاعر والا روحي لك ذخيره
.................. ما تردينا من اول كيف لاجت في سواها

http://www.asdaff.com/imgcache2/12121.gif



أجمل ما يقال

أصدق ما يقال

أعذب ما يقال

هو مايقال في حب الوطن


http://www.asdaff.com/imgcache2/12122.gifhttp://www.asdaff.com/imgcache2/12122.gif



يقول الأمير خالد الفيصل:


لاح يــوم الـوطـن والعـــز لاح
وكلمـة الله علـى البيـرق تلوح

يــوم الاســلام يا يــوم الفــلاح
والـوطــن كـل روح لـه تـروح

فـوق الايمـان ركبـنا الســلاح
والمقابــيل بالخـافــق تبــــوح

الله اكبـر مثـل ضـرب الرماح
سيلت في خفى الباغي جروح



http://www.asdaff.com/imgcache2/12122.gifhttp://www.asdaff.com/imgcache2/12122.gif




الأرض
بدر بن عبد المحسن

قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

++++*

انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

++++*
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

++++*
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود



http://www.asdaff.com/imgcache2/12122.gifhttp://www.asdaff.com/imgcache2/12122.gif



يوم الوطن
خالد بن عبيد الأحمدي


نضمت في يوم الوطن تسعة ابيات
ولـو جبـــت ميـة اعتبــرهـا قليــله

فـي وصفـها حبـه تشـح العبـارات
حبــر القلــم يفـنى ويفـنى عـديــله

هــو حضنــنا الدافـي لنا فيه فيات
فــيه الـذرا وقـت اللـيال المهيــله

والفضـل بعـد الله ولاهـي دعايات
للحـاكم الصالــح نشـيل الجميله

عبد العزيز اللي يحوش البطولات
نوفــيه حقــه حاجــتـن مستحيـــله

عـاش البلـد بعـده تطـور ونهـظات
والامـن هــذا مـا ليقــينا مثيــــــله

طــوى سجــلات الجــهل والعدوات
الشــعب واحـــد صــار كــنه قبيــله

اسس وطن من عقب ماهو تشتات
وثبــت حـدوده با لسيـوف الصقيـله

هذا هو الموجز و في تسعة ابيات
والتســع والمــيه صـراحـه قليـله




http://www.asdaff.com/imgcache2/12122.gifhttp://www.asdaff.com/imgcache2/12122.gif



حب الوطن فطرة ــ قصيدة / ضد الفئه الضاله
لـ / عايض المعاوي


من له وطن ما شكى من القهر والــذله
يبقى سعيد(ن)وراسه في السماء عـالي

حب الوطن فطرة(ن)في قـــلوبنا نــــشله
] حب(ن)قديم(ن)وغالي يا وطن غــــــالي

يارب تحفظ بـلاد الـــــــــدين والــــــــمله
مكه وطيبه وفيها خـــــــير منزالــــي

تحفظ وطنا وأمانك نستـــــــظل ظــــله
يارب يا اللي خلقت الـــــــكون يا والــي

وحنا جنود الوطن لما حــصل زلـــــــه
الروح تفدى الـــــــــوطن والدم والـــمالي

بشر عدو الوطن لا شـــــــك بنـــعله
بـــــــــنزلزل الأرض تحت الرجل زلـزالي

يا موطني لوحصلك أزمـة وخـله
دونك من الشعب جـــــيش(ن)وأمن قـتالي

تاريخ الأمجاد يفخربه ويشهد له
شعب(ن)قــــوي الأراده في كل الأحــوالي

حنا سنان الوطن وســـــــيوفه الـصله
اسيوف هند(ن)تقص ارقــــــــــاب الأنـذالي

عهد(ن)علينا خلايا الـشر مـــنحله
بنحلها من وطـــــــنا الحر حــــــــل حــــالي

رح يا نديبي وبـــــــــلغ زمرة الــــــشله
قل الخليجي بري من جرم الأفــــــــــــعالي

الروح تزهق ودم الــــــــمسلم تــــــحله
وتروع اللي بداره آمن(ن)ســـــــــــــــــالي

أنتم فئه ياهـل التـــــــــخريب مــــــــختله
مختله أعقولكم منتم بـــــــــــــــــعقالي

أفكاركم مــــــــــــظلمه للشر مــــــــــندله
شيطانم وزكم في شين الأعـــــــــــــــمالي

تهدم عمار الديــــار اليوم وتـــــــــــــهله
في أرض الأمن والــــسلام وراحة الــــــبالي

أرض الجزيرة بلادي مـــــــثلها قــــــــله
أرض الــــفخر والبطوله وكر الأبـــــــــــطالي

ننكر فعل كــــل مسلم مايــــــــــخاف الله
ننكر بكل الصفات وكــــــــل الأشـــــــــكالي

أفــعالكم ياهل الــــــتفجير مـــــــــــــنسله
من فعل صهيون عدوي عبر الأجــــــــــيالي



http://www.asdaff.com/imgcache2/12123.gif

يعطيك العافيه اخي الفاضل

لله يعافيك

نورتي بمرورك

دمتي بود

http://www.asdaff.com/imgcache2/12122.gifhttp://www.asdaff.com/imgcache2/12122.gif




الأرض
بدر بن عبد المحسن

قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

++++*

انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

++++*
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

++++*
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود



http://www.asdaff.com/imgcache2/12122.gifhttp://www.asdaff.com/imgcache2/12122.gif





الله يعطيك العافيه قولدن

دام عطرك فواحا