♥ ..\ يكفي عبدالله عطاني لين خلاني ملك/..♥
إنت الوطن
إنتَ الوطن.. إنتَ الوطن
أرض الجدود
اللي سقوا من.. شوقهم.. من عزمهم.. من دمهم
وحدة وطن
يوم الوطن نخلة وبيت.. سقفه سعف
يوم الحياة صبر وكفاح، كان الهدف
وحدة وطن، وهذا الوطن كل الوجود
كله وفا حتى ولو شاف الجحود
يجحد ولد.. ويوفي ولد
تبقى حنون.. للي وفا واللي جحد
أهلي الحضر.. وأهلي البدو
اللي على المله عدو
خلف الولد.. اللي شرب من ثديها.. طعم الوفا
وين سرك.. يا كثيب الرمل.. يا سرب يرتعش..
في ضلوع الرمل.. وش سر العطش.. للعطش..
آه..أحبك..
أحبك حب ضاري..
يملك إحساسي وقراري..
بين مهدي والنعش..
انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..
وين سرك..
وين سرك هالعجيب..
وين سرك.. انتي أكثر من كثيب..
وانتي أكرم من غمامة..
وانتي أصدق من سراب..
وين تكمن هالوسامة..
فيك يا ذهب التراب..
عبدالعزيز اللي مَلك فينا القلوب
قبل المعارف والحروب
اللي بنى هذا البلد
وفى وكفّى بالوعد
واللي فرض خمس الفروض
ما جت لبو تركي حظوظ
يجحد ولد.. ويوفي ولد
تبقى حنون.. للي وفا واللي جحد ..
/
/
/
منهو مثلك يا بو تركي في العرب..
أنت والله الزعيم..
لا هو مدح.. ولا غرور..ولا كذب..حق والله العظيم..
وحد أطراف الجزيره وحقق الصعب المحال
من ملك بالعدل غيره شيخ وافين الخصال
وهذا عبد الله لنا ملك ووالد
ما شكينا اليتم يوم..وابو متعب في الوجود
وكل ما زدنا هموم.. زادنا عطف وجود
هذا لا قالوا الملك.. قلنا عرشه في الضمير
شمسنا ف سود الدياجي.. وظلنا وقت الهجير
ما يخافه إلا ظالم.. وما يهابه مستجير
/
/
/
هذا ملكنا من يباهينا بملك
وهذي قلوب الشعب صارت منزلك
يا شبه أخو نورة ويا فدوة هلي
يغني عن الإعلان موقفك الجلي
عبدالله يا باني وطن وإنسان
حامي الحمى بالسنة والقرآن
هذي الزعامة لايقه لك يا ملك
ما غرّك الملك العظيم أو غيّرك
كيف ما نفخر وتتعب راحتك
لعيون شعبك والعدالة ميزتك
يابومتعب يا كثر مَدّت يدينك
ما درت عنها يسارك من يمينك
حزمٍ وعزم وفيك عفو ومقدره
كيف ما نفخر وأنت رمز المفخرة
وهذا سلطان المكارم.. سيف عبد الله وخوه
صادق في الحب صارم.. القمر لو شبهوه
نعشقه والله عالم.. عشق جدانه وابوه
ما جدبت أرض الجزيره وأبو خالد غيثها
ولا ارتفع عج المعارك.. هو عمدها وليثها
يا محقق لي الأماني
الغلا والحب لك
أدري في قلبك مكاني
وأدري همي مشغلك
يا بو متعب وش نقول
الغلا شرحه يطول
يكفي عبدالله عطاني
لين خلاني ملك
أنا شعبك مثل ظنك
أفخر بملكي وزود
أنت مني وانا منك
أرض وأحلام وجدود
يا بو متعب وش نقول
الغلا شرحه يطول
أحمد اللي بك حماني
عن أذى كل الفصول
أنا ملكي اللي عطاني
لين خلاني ملك
مملكتي انتي العلا فيك الفخر
فيك بان الحق و العدل ظهر
المقطوعات الشعرية الكتابية :
وطن الشموس..
وحدة وطن..
تجميع المقطوعات الشعرية وتصميم الجرافكس:
يا بلادي.. وان سأل عنك غريب
انتي شمس السيف وظلال العسيب
انتي أرض الله فيك الشرع خالد
وهذا عبد الله لنا ملك ووالد
رد: ♥ ..\ يكفي عبدالله عطاني لين خلاني ملك/..♥
بارك الله فيك وأهلاً بك معنا ننتظر إبداعاتك
رد: ♥ ..\ يكفي عبدالله عطاني لين خلاني ملك/..♥
بارك الله فيك وأهلاً بك معنا ننتظر إبداعاتك]
