<BLOCKQUOTE>
<BLOCKQUOTE>[size=21]يا كم صبرت سنين وشهور وأيام
أسـهر على العلـيا بكل اجتهادي
أرقى سـنود بعـزم ساطي و جزَام
وعلى ولي العرش جل اعتمادي
الصبر أخذ مني مدد سيف وحزام
لني على الشدَات يقــدح زنــادي
لا نوخـت جـزل الثقـيلات عـــزام
أركي لها متني وأجي في معادي
صقَار للـطولات صقري لـها حـام
والـطيبة مطلق علــيها هـــدادي
للطَيب أطيب من مراو يع الأنسام
وألـذ وأحـلى من نسـيم الـبرادي
من مد نص الكف عـندي له نظام
يـأخذ مـلاها والـوفاء بازديـادي
واللي مشى بالشين له جيت لطام
ما عندنا له غير هند(ن) حدادي
لن الردي دايـم ردي مـاله كــرام
حتى وإن أكرمته يجيك متحادي
وأنا عريب جدود وأخوال وأعمام
ماأمشيك يادرب الزراءوالنقادي
ماشي على مله ولي شرع وأحكام
ومن ديني الإسلام أنا أخذت زادي
وشعري كما نوِن سرى يرزم إرزام
من غزر وقعه سـال له كل وادي
أصـخر بيـوتاً كنـها نقـش الإبهـام
كما رشـيد ويـوم شعـر المهادي
اللي لهم سطوه على روس الأقلام
ولشعرهم بصمه بحاضر وبـادي
وأنا أحمد الله عشت في خير وأنعام
حافـظ حقوق الله وعنـدي مبادي
لكل جزلة شـمت وأحـث الأقـدام
ودنيـا بلى مبدأ غشاهـا السوادي
وصـلاة ربِي عد من كـبر وصـام
علـى مـحـمـد سـيدي خير هـادي
</BLOCKQUOTE></BLOCKQUOTE>
ولكـــــــــــــم مني الف تحـــــــــــــيه
