توّك صغيره وابتديتي تحبين..!!
توّك صغيره وابتديتي تحبين من علّمك ليل السهر ياصغيره ؟
بدري عليك العشق يابنت هاللحين حرام هذا القلب وشهو مصيره ؟
انتي بريئه في الهوا ليه تشقين ؟ دروبه طوال ٍ عليك وعسيره
رحتي بدرب ٍ ماله اصلا ً عناوين وانتي مشاويرك من اول قصيره
ياطفلة ٍ حبّت وراحت على وين ؟ عقب الهنا ذقتي الحياه المريره
وينك ووين الحب والشوق والبين ؟ عنّيتي عيونك وصرتي سهيره
امحق تسلّي كان ودّك تسلّين الورد لولا اللّون وشهو عبيره ؟
خلّيتي دروسك وصرتي تحاتين الدرس في ديره وصرتي بديره
وصرتي بعد من غير هذا تغارين والمشكله يابنت منتي خبيره
نصيحتي لك كان ودّك تردين يم السعاده والحياه المثيره
خلّك بجو العايله لا تعدّين ماما وبابا والعجوز الظريره
شيبانك اللّي مايبونك تعانين من بينهم عشتي كأنـّـك أميره
الحب قبلك هز ناس ٍ كثيرين وخلاّ القلوب تعيش هم ٍ وحيره
الحب يفضح لا انكشف داخل العين وانتي بنفــّسك ماهقيتك بصيره
طيعي كلامي واحذري لا تمادين تراجعي لاعل في الأمر خيره
عيشي الطفوله والبراءه لك سنين وبعدين حبّي لا غديتي كبيره
رد: توّك صغيره وابتديتي تحبين..!!
يعطيك العافيه قولدن
اختيار رائع
تقبل مروري
تحياتي
رد: توّك صغيره وابتديتي تحبين..!!
صح لسان قايلها والله يعطيك الف عافيه على النقل المتميز
ليس بغريب عنك هذا التميز في انتقائك للابيات جدا رائعه
تقبل مروري
رد: توّك صغيره وابتديتي تحبين..!!
اقتباس:
المشاركة الأصلية كتبت بواسطة أعشق الليل
يعطيك العافيه قولدن
اختيار رائع
تقبل مروري
تحياتي
الله يعافيك
مرورك الاروع
لاعدمنا طلتك البهيه
دمت بود
رد: توّك صغيره وابتديتي تحبين..!!
اقتباس:
المشاركة الأصلية كتبت بواسطة غزوله
صح لسان قايلها والله يعطيك الف عافيه على النقل المتميز
ليس بغريب عنك هذا التميز في انتقائك للابيات جدا رائعه
تقبل مروري
الله يعافيك
نورتي بمرورك
لاعدمناك
دمتي بود
رد: توّك صغيره وابتديتي تحبين..!!
أبدعت بالنقل
الحب يفضح لا انكشف داخل العين وانتي بنفــّسك ماهقيتك بصيره
رد: توّك صغيره وابتديتي تحبين..!!
