محدش يلوم عليا
محدش يوم يلوم عليا
لما أقول اني مسافر
أرض تانية لناس تانية
عايز احس بنفسي قادر
أخرج من دنيا عذابك
أكسر باب سجن جنابك
فتحتلك جنة قلبي بكل حب
خدعتيني وعيشتيني نارك
صبرت ياما ياما كتير
وكان أملي يكون فيه تغيير
لكن الأمل كان كل يوم يدبل لحد م مات
والآه الواحدة نبتت جوايا ملايين الآهات
وأشوف كتير الناس حواليا في الهنا
ووحدي عايش حزين تعيس في شتات
هو كان عقد حب اللي بينا ولا كان عقد بيع
بعت فيه نفسي ليكي والتمن رخيص وضيع
خلتيني أكره نفسي وبرده بتقسى لحد القرف
وأسال نفسي ليه الصبر؟ ترد نفسي خايفة اضيع
وهو فيه في الدنيا ضياع اكتر من كدة
عجيب أمرك يانفسي والله وصبرك فظيع
**********************
عصام قمر
