[rainbow]
الطعنة اللي مارمتني بالاكفان
تزيدني مع مر الايام قوه
والصاحب اللي خط بالغدرعنوان
ماله معي لوطول الوقت خوه
اعرف كواري الغدر من صوت الانسان
حتى ولوكان الخطيب المفوه
واكثر بقلبي بس اخفيه من شان
بعض المواقف مانبيها تشوه
ياملتحف بالصمت كل الخفا بان
وكل على قدره بنعطيه جوه
ياللي تقول انك من الشوق ولهان
وانتا ولاجربت كيات ضوه
ابعد عن دروبي ترا القلب تعباااان
الله معك واللي تسويه سوه
اكبرقهر لاصرت في صحبة انسان
روح حياتك بين ليته ولوه
لوكان حطك بين رمشه والاعيان
فحقه عليك معامله بالمرروه
لكن رمى بك بين شك وحرمان
حذرابقطعك للمواصل تروه
خله يولي واعسى رب الاكوان
عقب المحل والجدب يسقيك نوه
دامه بصده مارمى بك بالاكفان
كل الطعون تزيد قوووتك قووه
[/rainbow]
