قصيده للبنات المستعجلاااات على الزواج

بــدون زعل ...


قصيده للبنات المستعجلاااات على الزواج ؟؟؟؟؟؟؟؟؟؟؟؟؟؟؟


لاتحسبين العرس توفـي وكتكـات .... ولا تحسبينـه توكـس والا بونتـي

ولا تحسبين العرس كيكة وطرطات .... وصلة قطعتيهـا ووصلـة بلعتـي

ولاتحسبين العرس تصفيق واصوات .... وانت على صوت الغطاريف همتي

ولاتحسبين العرس كوشة ولمبـات.... وانت كما الطاووس فيهـا جلستـي

ولاتحسبين العرس احلام في الشات .... يامـا بنيتيـهـا ويـامـا هدمـتـي

ولا تحسبين العرس روحة وجيـات .... هيا اقضبي بيتك عسـى مانهبلتـي

ليلة سعيدة وانت احلـى الجميـلات .... تشخص عيون الناس اذا حضرتـي

(واللاينر)حطيـه بـلا زيــادات .... لا يخـرب المكيـاج اذا دمعـتـي

(والمسكرة)تحتاج لطف ومـدارات .... حتـى يبـان الزيـن اذا رمشتـي

(والاسبريه )رشيه حتى البصيـلات .... يمسك شعرك زين لو كـان زدتـي

وترى(المحدد)فن يحتـاج رسمـات .... يبـان رسمـه زيـن اذا ابتسمتـي

العـرس يابنيـة ماهـو شعـارات .... تفنـى مراسيمـه وتبقيـن انـتـي

ويبقى شريك العمر راعي الطويلات .... هذا هو العـرس حقيقـه عرفتـي؟

اول نصيحة لك حفـظ الصلـوات .... صلي العشا والفجر في كل وقـتِ

وفي ليلة العرس الموفـق بالـذات .... ادعــي الكـريـم إذا سجـدتـي

والتعري لاترضين عند الكوفيـرات .... ولبسـك يملـى العيـن اذا لبستـي

واللي على زوجك تحرضك مرات .... ارجـوك شوتيهـا شوتـت بلنتـي

والصبر في العشرة حتى على فتات .... ياماحـلا فعلتـك يومـك صبرتـي

واذا حفظت السر مـع المـدارات .... زوجك ترى في عيونه كبرتـي

والسوق يعني هاه وقت الضرورات .... والاتـرى زوجـك يـدور لمفتـي

زيدي الغطاية وكثري في العبايـات .... والله يرضـى عنـك اذا ستـرتـي

اوصيك بالكبسـة وكثـر اليدامـات .... حتى لوانـك مـن سببهـا متنتـي

وخلي الرجيم اللي فشلتي فيه مرات .... سويـه مـرة واحـدة لا ولـدتـي
مع تحياتي للجميع عزف

رائعة تحمل تربية وثقافة بأسلوب عصري موفقه بإذن الله

رائعه جدا تسلم انا ملك

ههههه حلوه والله تسلمين الله يعطيك العافيه

القصيدة حلوة ورائعة جدا

الـــروعة هي مصافحتكم لعباراتي..
و تسجيل بصماتكم عليها..
طاب لي مروركم الراقي ..ويعطيكم العااافيه
عزف