-
البنااااااااات فقــط
الســلام عليكم ورحمة الله وبركـــــاته
كيفكـــــــــم ؟؟ وش اخباركم ؟؟
تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه... علشان
1
ــــــــــــــــــــــــــــــــــ
سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو
الوضع على طول) ... سعد تعبان نفسيا كل ماجو ناس يخطبونه لبنتهم وشافته بنتهم راحو وما
رجعو (وجه واحد رايح في فيها)...واخر وحده جتهم ام فهد تبي تخطب سعد لبنتها نوره ... نوره
شارطة انها لازم تشوف سعد (الحمد لله على النعمة الي حنا فيها )... جت نوره وقعدت في
الصاله ودخل عليها سعد ومعه العصير ... حط العصير عند نوره ... وطلع يركض لغرفته ... صك
باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف
غيره... وقعد سعد اسابيع ينتظر رد نوره ؟؟؟؟؟ ـــــــــــــــــــــــ
2
ـــــــــــــــــــــ
ابو محمد يقوم من الساعة 6 الصباح …. ويسوي فطور ام محمد وإذا جهز الفطور راح لام محمد
يقومها …
ابو محمد/ قومي يا ام محمد … قومي يابعد عمري افطري وروحي للدوام …
وبعد ربع ساعة من التدليع والتخقيق قامت ام محمد ….
التفت عليها ابو محمد وقال/ صباح الخير ….
ام محمد/ ردت برومانسيتها المعتادة كل يوم أي خير هو الي يشوف وجهك يشوف خير جهزة
الفطور والشاي يالدبشه والا لا …. ؟؟؟؟؟
ابو محمد/ يرد ويقول نعم ياحبيبتي كل شي جاهز….
ام محمد / خلاص اقلب وجهك عني ابغسل وجهي واجي افطر الحين هاالحين ....
ابو محمد/ شوفي يا ام محمد هذي الوريقه فيها بعض المقاضي للبيت
ام محمد / هذا الي انت فالح فيه
ابو محمد / الله يسامحتس ياام محمد ويخليتس لي ولعييلتس … وش انحن بدونتس.
ام محمد / المهم بكره انا عندي مشوير قريب وبوديك عند اهلك يومين .
ابو محمد / وين تبين تروحين … (خايف تعرس عليه) الله لا يبلانا....
ام محمد / ابروح لجهنم … مو انا اقولك لا تسالني وين ابروح وين اجي … وان عاد سمعت كلمة
وين رايح منك … ترى والله مايردك الا بيت اهلك …. والا والله لاصك لك جار او ضر اعصر فيه
قلبك .
ابو محمد / العذر والسموحه طال عمرتس … وش تبين اسويلتس على الغدا طال عمرتس …
ام محمد / سو سم … طرقع (صقعت بالباب وطلعت)؟؟؟؟ ــــــــــــــــــــــــــــــــــــــــــ
3
ــــــــــــــــــــــــــــــــــــــــــ
ناصر قاعد في غرفته ... منسدح على بطنه يقرا مجلة سيدي ولك انتَ ...وفجاة التلفون
ترررررررررررررررررررررن
ناصر / الوووووووووووووووو
ساره/ هلا ومرحبا بها الصوت .. انا ساره
ناصر / عفوا منو تبين....؟
ساره /ابيك انت يا موووووووت
ناصر / قلة حيا … مالش اخوان تخافين عليهم وعلى سمعتهم بعدين ترضين وحده تكلم اخوانتس
يا قليلة الادب طوط طوط طوط
ترررن ترررن
ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين
ناصر / انا ما اعرف ولا ابغى اعرفتس.طوط طوط طوط
تررن تررن
ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الحين
عندي محتفظة بها كل ها السنين
ناصر / ارجوتس انا عرفتس هالحيين ارجوتس انا كبرت وعقلت وذيك الحركات كانت ايام المراهقه
… ارجوتس رجعي صوري ورسايلي ارجوتس والله لو يدرون اخواتي ان يقطعون راسي .
ساره / انا ابعطيك كل شي بس ابغاك تواعدني في محل اعطيك فيه الصور … والا والله لانشرها
في كل مكان …
ناصر / ارجوتس لا تفضحيني … ارجوتس … زين وين تبين اواعدتس علشان تعطيني الصور
والرسايل .
ساره / اسمع انا اعرف ان عندكم زواج الخميس الجاي بتروحون له … سو نفسك مريض ولا تروح
معهم وانا اجيب الصور والرسايل لك
ناصر / طيب خلاص الخميس (مكسور الجناح)
وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده
في المنزل …. وفي تمام الساعه 10 واذا بجرس الباب
تررررررررررررررررررررررررررررررن
ناصر بخطوات متثاقله وبصوت يشوبه الخوف من المجهول يرد ويقول / مييييييييييييييين...؟؟؟؟؟
ساره / انا ساره افتح الباب
ناصر / لا ما اقدرما فيه احد بالبيت غيري … ادخلي الرسايل والصور من تحت الباب
ساره / اذا ما فتحت الباب فستندم طول عمرك وبتصير سمعتك على كل لسان هذا اذا ماذبحوك
خواتك . فتح ناصر الباب … ودزته ساره بقوه …. ودخلت المنزل لتستفرد بهذا الضعيف المسكين
اللذي لاحول له ولا قوه … همت بالخروج … وقال لها ناصر والدموع ملىء عينيه لماذا لماذا انهيت
حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …
ساره / أي صور واي رسايل … هل جننت حتى اعطيك اياها ؟؟؟؟؟
لقد اصبح ناصر ضحية استهتاره ايام المراهقة ؟؟؟؟؟؟؟؟؟ ــــــــــــــــــــــــــــــ
4
ـــــــــــــــــــــــــــــ
الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه
… والصغيره حصه ميته من الجوع ولكن حلقها منفر ماتقدر ترضع … وابو محمد ضام عياله لصدره
ويصيح معهم مايقدر يسوي لهم شي … يوم جت 3.15 اليين باب البيت يفتح ام محمد توها جايه
من الاستراحه …
ام محمد / اسمع انت ووجهك ضف عيالك … وروح نام انت وياهم في الغرفه الثانيه انا تعبانه
وواصله وياي مافزت في الورقه ولا مره … وابى انام وما ابى احد يزعجني .
ابو محمد / سمي طال عمرتس ما لتس الا طيبة الخاطر …
وخذ ابو محمدعياله وراح للغرفة الثانيه … وهو يبكي بحرقة على حاله وحال اطفاله … ووضع
الصغيرة حصة في حضنه واخذ يهزها علها تنام … وفي يده منديل مبلل يضعه على راس محمد
لخفض الحراره .
ام محمد قبل ان تنام اخذت تتحدث مع ام راشد في التلفون … اسمعي ياام راشد بكره تكفين لا
يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى
الموجودين في البيت لايعنون شيء؟؟؟؟؟؟؟ ــــــــــــــــــــــــــ
5
ـــــــــــــــــــــــــ
لطيفه توها ماخذة لها واحد اسمه صالح ....
اليوم يوم الخميس ليلة الجمعه الساعة 1 بعد منتصف الليل.... صالح يبغى يتزيين للطيفه قبل
ماتجي … لبس فنيلته … وعدساته الفسفوريه …. وطفى اللمبات وولع شمعه وقعد بالصاله ….
وفجئه سمع صوت الباب … فرح وتشقق وقال / اكيد لطيفه متزيين لها وتستانس.
دخلت لطيفه يوم فتحت الباب صرخت وقالت اعوذ بالله روعتني انت وهالعيون صاير كنك قطو ؟؟؟؟
ـــــــــــــــــــــــــ
6
ـــــــــــــــــــــــــ
ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه
وماني فاضيه لك ... وفجأة رن التلفون
تررررررررررررررررررررررررررررن
ام خالد/ الو مين
ام حمد / هلا ام خالد انا شاريه نخلتين خلاص من الحساء وابغى نروح انا وياتس نجيبها بكره على
سيارتس
ام خالد / ابشري والله لو تبين للقمر ؟؟؟؟؟؟؟؟ ــــــــــــــــــــ
7
ـــــــــــــــــــ
ام عبدالله جايه من العمل … حطت طرحتهاعلى الكنب … وقعدت تقرا الجريده … ثم صرخت …
ابو عبدالله … ابو عبدالله ابو عبدالله وينك وجع يوجعك ليش ماترد علي …. ؟؟؟؟؟
ابو عبدالله / هلا ام عبدالله كنت في الحمام افرك ركيباتي …. مادريت انتس جيتي
ام عبدالله / وش تفرك يا رامي عياش
ابو عبدالله / الله يكرمتس ياام عبدالله تقارنيني بذولي الي مايخافون الله .
ام عبدالله / اقول احمد ربك بس انهم مانعين الزواج من الخارج ؟؟؟؟؟؟؟؟؟
تحياااااااتي لكم
-
-
حرام عليك ياابااسماعيل تقول للرنين يخرب عقله ونحن نستفيد منه في المنتديات.
-
ههههههههههههههههههههههههههههه
رنين
والله ما قصرت
يعني
نقعد بها احنا :D
ابو اسماعيل
والله وانا ميت ضحك على مجاهل اللي مشور تحت
:)
-
[c]
أشكرك يا رنين الصمت
و ذولي رجال آخر زمن
الله إن لا يعافيهم
ومن القلب تحية
:) :) :) :D
[/c]
-
حيا الله هالوجيه الطيبه
يا عيني عليكم فرحانين :D :D
الله يديم الفرحة عليكم إن شاء الله حب: حب:
والله إني فرحان لفرحكم :D
الله يسعد الجميع غمضة:
