الذمول في التنور(اكلة يمنية)

هذه طريقة الذمول الصنعاني الاصيل

اولا المقادير لصنع ست الى سبع حبات ذمول متوسطة الحجم
كما في الصوره اخر الموضوع

المقادرير


نص كيلو طحين
ربع كيلو دقيق
حبتين بيض
ملح وقحطه وخميره
سمن

هذه هي المكونات والمقادير



=-=-

الان الطريقه

نخلط الطحين مع الدقيق مع الملح والقحطه والخميره في وعاء
وبعد خلطهن نفتح في الوسط ونسكب البيض ونخلطهن مع قليل ماء دافئ
ونضيف السمن بنفس مقدار الماء او اقل بقليل
ونعجن الخليط لما قد العجينه متماسكه ونخليها بعدين تخمر


وبعدا نقطعها في صحن على شكل كور وبعدا نمدهن كما في الصوره هذه
http://san3acity1.googlepages.com/yemensanaa-thmol.JPG



في الوقت هذا بنكون قد لصينا التنور وخليناها تحمى شويه


الان ندهن الوجهين ببيض مخلوط على قلييل ملح ونطرحهم في التنور بلصقهم
في جوانب التنور كما في الصوره هذه
http://san3acity1.googlepages.com/yemensanaa-thmol1.JPG


وبعدا نوطي النار اذا تشتو شاحطات ( مقرمشات ) وطو النار
واذا رطبات ( لينات ) علو النار شويه


لما تبسرو ان الوجهين اتحمرو مثل الصوره هذه
http://san3acity1.googlepages.com/yemensanaa-thmol2.JPG

نخرجهن الان من التنور ونطرحهن في غطاء يبردو شويه وبعدين نطرحهن في الغطاء ونلفهن
بالقواره كما في الصوره هذه
http://san3acity1.googlepages.com/yemensanaa-thmol3.JPG

ونقدمها مع الشاهي او البن او القهوه

اسمها غريب بعض الشي
يعطيك الف عافيه عالطرح
سلمت يداك

الطحين + دقيق ؟ شو الفرق ::sa07::
القحطه ؟؟؟


يعطيك العافيه يالغاليه
ولي عوده ::d::

اسمها غريب
وشغلها متعب
بس تسلمي يالغلا صرت الحين نعرف الذمول ههههه

الشكر كل الشكر على الرد
اخذت الاكلة من المطبخ اليمني واكيد فيه من بين الاعضاء من يعرف مكوناتها

يسلمووووو
موفق بإذن الله ... لك مني أجمل تحية .