يابحــــــــــــــــــــــــــــر

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..

ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..

وأقسى من جروح الزمان .. العطايب !!

وإن كان تنشدني فأنا .. مقدر أخفيك ..

دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..

إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..

ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..

يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..

ولاتنشد اللي غاب .. وين أنت .. غايب

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب

أبو واسم :
كلمات على الجرح فعلا مواقف غريبة من أعز الناس أو من كنت تظنهم
فقط شبه موقف ينفضون عنك وكأنك لم تكن فياليت شعري يحدثهم wr

يعطيك العافيه


كلمات رائعه

تحياتي

سيرين خالد

حزني كبير .. أكبر من حدود .. شاطيك ..

وأقسى من جروح الزمان .. العطايب !!

يعطيك العافية

مشاعر صامته


شـكــ وبارك الله فيك ـــرا لك ... لك مني أجمل تحية .

رووووووووووووووعه صح لسان قايلهاا

الله الله يا أبو واسم قصيدة ولا أجمل

صورة معبرة وكأن الموج في خفقات

قلبك رائح غادي

من منا لا يحب البحر فهو متنفس المهموم

ومتعة الأحبة وصفاء العين والذهن

صح قلبك ولسانك

دمت بجمال البحر

ونقاء نسيمه

عاشقه البحر يعطيك العافية على تواجدك

طائر من الشرق

نعم من منا لا يحب البحر فهو متنفس المهموم

ومتعة الأحبة وصفاء العين والذهن


شـكــ وبارك الله فيك ـــرا لك ... لك مني أجمل تحية .

رائعة
استاذي الكريم
سحر كلماتك اخاذ وبحر حرفك عميق لا قرار له
كما البحر منه اللؤلؤ
كلماتك متلألئة
لك تحياتي

ورود الخمائل شـكــ وبارك الله فيك ـــرا لك ... لك مني أجمل تحية .