رد على الشاعر أبن فطيس

يا ابن فطيس إن كان بك ضيقة عصير
يا ضيـقـتـي يـاهـي تـهــد الجبالـي


إن جيت أزحزحهـا بكثـر المساييـر
كنـي أنـاديـهــا تـعـالـي تـعـالـي


الضيقة اللي بالحشا وقعهـا غيـر
ضيقـة وناتجهـا دواعـي هبـالـي


مرة تجي كتمـة ومـرة معاصيـر
ملازمتـنــي كـنـهـا مـن ظـلالـي


يالله تعـدي هالليالـي علـى خـيـر
يـا ثـقـلهـا مـن بـد كـل الليـالـي


همومهـا عنـدي ورود ومصاديـر
يـروح هـم ويـنــولــد هـم تـالـي


يا ليتهـا قصـة وضمـن الأساطيـر
مـا كـان تلقـانـي وحـيــد لحـالـي


وياليت لي جـنـحــان أو أقـدر أطـيـر
وأشوف حال اللي تبي شـوف حالـي


كانت جريئة حيـل مـن دون تبريـر
وكانت تقاطع قبل لا أطرح سؤالـي


حـذرتـهــا ولا فـكـرت بالمحـاذيــر
وكانت تذوق المـر لرضـاي حالـي


هفوة وغلطـة مـا لهـا أي تفسيـر
وكانـت نتايجهـا تفـوق احتمالـي


غلطة وراحـت مـا تفيـد المعاذيـر
وأستاهل اللي فـي حياتـي جرالـي


يـا الله ياوالـي صـروف المقاديـر
يا والـيٍ مـا بعـد رحمتـك والـي


إنـك تطمنـي بــزف التباشـيـر
وتـرد غالـي فـاقـدٍ روح غـالـي