الفرق بين المرأة فى السنه الاولى من الزواج والسنه العاشره

الفرق بين المرأة فى السنه الاولى من الزواج والسنه العاشره




في السنة الأولى


تشيرالساعه الى 6:30 صباحا
تودع زوجها وهو طالع للعمل وتقول له بالسلامه يا حبيبي
- الساعه 11 صباحا
تتصل به في العمل وتقول له حبيت اسمع صوتك بس يا عمري
- الساعه 3 العصر
تستقبله وهى متشيكه وتقبله وهو داخل للبيت وتقول له الغدا جاهز يا حياتي ... تحب احطه لك دلوقتى ؟
- الساعه 5 العصر
تصحيه من النوم بقبله وتقول له اعمل لك شاي يا حبي ؟
- الساعه 6 المغرب
تسبل عيونها وتقول بكل خجل يا ريت يا حبيبي ... يعني لو ما فيهاش تعب ...
يعنى لو تقدر توديني شويه لبيت اهلي
اذا كنت تقدر يا عمري وقبل ما ينطق بكلمه ( لو ما تقدرش خلاص مش لازم )
وطبعا يضيع هو في نظره من عيونها
ويوديها لاهلها ولو انهم ساكنين في مصر الجديده وهو ساكن في الهرم
- الساعه 8 بالليل
تتصل على الموبايل وتقول ( اشتقت لك يا عمري .. يا ريت تعدى عليا عشان نروح البيت
ويكون هو مع اصحابه فيقولهم : اسف والله يا شباب انا مصدع ولازم امشي
- الساعه 10 بالليل
تجلس بجواره وتقول ( الله يا حبي ... فاكر ؟ فاكر ايام الخطوبه لما كنت تعمل المستحيل عشان تشوفني ... وانا يا ما كذبت على بابا وقلت له اني خارجه مع ماما وانا اصلا متفقه مع ماما
عشان اخرج معاك )
- الساعه 11 بالليل


بعد مرور عشر سنوات


- الساعه 6:30 صباحا
هي في سابع نومه
- الساعه 11 صباحا
هي برضه في سابع نومه
- الساعه 3 العصر
تستقبله وعلي وشها حتة تكشيره وتقول ( شوف لك حل مع ابنك علي ده ... لحد دلوقتى ماحلش الواجب ... وسها الله يقصف عمرها قطعت مريلتها في المدرسه ... انا عاوزه فلوس لازم اروح
اشتري لها واحده غيرها ... ومحمد عاوز علبة هندسه جى النهارده يقول ان عنده امتحان بكره ...
واللا الشغاله الله يا خذها ... اسمع يا انا يا هى في البيت ... تمشيها وتجيب واحده ثانيه … وطبعا ماتجبهاش حلوه ... يا ويلك لو كانت حلوه ... وبعدين تكون امينة عشان ماتقولش اسرار البيت لحد
( وهى ماتعرفش ان اسرار بيتهم كلها عند الجيران من لسانها اللى عامل زى ال ... و اللا بلاش )
- الساعة 5 العصر
بتصرخ فى العيال ويصحى هو على صوتها وهي بتدعي عليهم بجميع الامراض الخطيره
الحديث منها والقديم ( الطاعون ... الوادي المتصدع ... الحمى القلاعيه ... والايدز ... الخ )
- الساعه 6 المغرب
هو قاعد بيشرب الشاي وهي بتقول ( عاوزه اروح لماما عشان بنت خالة جد ابن عم بابا هاتزورهم النهارده .... وبعدين بنت عمي خلفت ولازم اروح اشتري لها هديه وبعدين اروح لاختى فى مدينة
نصر من يومين ما شفتهاش وفي اللحظه دى يفكر هو انه يشتغل ليموزين احسن له
- الساعه 8 بالليل
تتصل على الموبايل ( انت فين ؟ ومين اللى معاك ؟ وبتعملوا ايه؟ وهاتيجى امتى ؟ اوعى تتاخر علينا)
- الساعه 10 بالليل
قاعدين هو وهى قدام التلفزيون ... اخيرا هدوء ... والعيال نايمين ... والجو جميل ... وفجأه تبصله
وهي ماده بوزها وتقول ( هى مامتك مالها ... مارديتش عليا النهارده لما سلمت عليها ؟ هه ؟ )
( والله ماعرفش ... ماسألتيهاش ليه) ... وأختك مالها؟ عملت عزومه وعزمت كل سلايفى اللا انا ؟؟؟
لكن على مين.. و الله لأعمل عزومة تجنن ولا هأسأل فيها ... وبعدين قصدها ايه لما بتقول ان محمد
شبهى ومش شبه ابوه) ملاحظه : محمد هو احلى اخواته انا فاهمه قصدها ... بس انا مرديتش عليها
عشان انت كده هاتبقى ... واللا بلاش ... لأ و اللا لما بتقول اخوي حسن ( الي هو الزوج ) زى القمر وكل الجيران خطبوه لبناتهم ... على ايه يا حسره ... هما اتعموا؟؟!!!) . يسكت المسكين وما يردش , تسكت هي وبعدين تقول (انا اعرف انا كان ايه اللى خلانى انتصيت فى نظرى واتجوزتك) وتقول وهي بتعيط (الله يرحمك يابابا ... كان عندك حق) ... تسيبه لوحده وتقوم
- الساعه 11 بالليل
هي زعلانه ونايمه مع العيال وهو يلعن اليوم الي اتزوج فيه
==================
منقول
=================
اترك الراى للاخوان المزوجين

الله يعينكم اذا كان هاا الحكي صحيح
تحياتي لكم جميعا


ودمتم سالمين

طبعا يكون هناك تغيير بعد عشر سنين من الزواج

بعد الإنجاب - وكثرة الأطفال وزيادة المشاغل والمسؤليات

ولكن ليس إلى هذا الحد .

وهنا فيه مبالغة

ولنا في الإسلام أروع الدروس للحياة الزوجية


القلب المكسور
شكرا لك

مو لهاذي الدرجة عاااااااااااااااد:mad:


صحيح راح يتغير الحال بعد الإنجاب

وإنشغالهما باأولادهما وزيادة المسئولية عليهما

ياأخي القلب المكسور بارك الله فيك لاتنفر أخوانا العازبين من الزواج :D

اعرف من بلغ به العمر عتيا ...


ومازال يعامل زوجته كأنة في عامة الاول ...



والفرق موجود بين الازواج ...



شكرا القلب المكسور ...



مع حبي
القبس

Broken Heart


موضوع حلو فعلا بس هذه الحقيقة المؤلمة مازالت تتصدر البيوت الزوجيه

وليست المرأة فقط هي التي تتبدل بل ايضا الرجل ينسى ان له زوجه في المنزل


حال دنيانا


شكرا لك على الطرح الشيق

كلالالالالالالالام واقعي 100%


الله يخارجنا من بنات اليوم

broken heart

ماعليك منهم ...ههههههههههه

والله ماقلت إلا الحقيقة بس ...

الله يختمها على خير...