اليكم هذه القصة الرائعة جداً وهي بالعامية نالت إعاجبي
و تدور القصة حول مديرة مدرسة عزباء غابت عن المدرسة يومين ولما عادت
لمدرستها قابلتها المدرسات سلامات وينك
يامديرة ؟
قالت : باركولي تزوجت
قالن : يامديرة ولكن منهو زوجك ؟
قالت بصراحة : زوجي هو زوج إحداكن !!
المدرسات
تكفين علميننا أي وحدة منا ؟
قالت المديرة: والله ما أعلمكن
المهم لزمن عليها فقالت أنا منيب متكلمة اللي تبي تعرف
هل هو زوجها وإلا لا
تجيب بكرا
معها خمسمية ريال وإذا جت توقع تحط الخمسمية
على الطاولة
واللي آخذ
خمسميتها فهي مهو زوجها
واللي أخلي
خمسميتها على الطاولة ولا آخذها فهو زوجها
عيب علي أتزوج
زوجها وآخذ بعد منها خمسمية ريال
وافقن المدرسات
على الطريقة
ويوم جاء
بكرا وكل وحدة مزهبه معها الدراهم
جت الأوله
والثانية والثالثة والرابعة حتى العاشرة
والمديرة تاخذ الدراهم
يوم جت المدرسة
الـ 11 وبدت المديرة تأفف .. المهم حطت الدراهم
على الطاولة
وقالت لها
تكفين خذيها يالمديرة قالت
المديرة
اعذريني قالت المدرسة كأنها قليلة حطيت ألف
بدال الخمسمية
قالت المديرة
أووووه معليش أثرك أنتي جواهر
والله إني آسفه غلطت يوم تنفست المدرسة وقالت الحمد
لله يعني بتاخذين الفلوس المهم أخذتها المديرة ودخلن بقية
المدرسات حتى الـ 23 والمديرة تلعب بأعصاب
كل وحده وفي النهاية تاخذ الخمسمية المهم بقي
مدرسة وحدة فقط ماجت يوم اتصلن عليها المدرسات
هاه وينك ياأستاذه
قالت والله :اني تعبانه وماني جايه
قالت المدرسة الغايبة : هاه من صار زوجها اللي متزوج المديرة ؟
قالن : لين الحين مابين شي والمديرة عيت تاخذ الفلوس
لين نحضر كل المدرسات
( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالن المدرسات :لازم تجين تكفين
المهم جت تسحب رجليها بالقوة ويوم جت تدخل المدرسات
كل وحده مبسوطة أنها مهي هي وبدن يسمن على المدرسة الـ 24 عشان ماتنصدم
دخلت المُدرسة
الأخيرة غرفة المديرة وحطن باقي المدرسات أيديهن على قلوبهن
وحطت المدرسة الخمسمية على الطاولة وضفتها المديرة
يوم طلعت لقنها عادية وما صار شي وفلوسها أخذتها المديرة
قالن يابنات :فيه وحده منكن ماخذت المديرة دراهمها ؟
قالن : لا والله كلنا أخذت دراهمنا
ودخلن المدرسات على المديرة وقالن أخذتي الفلوس من كل المدرسات
تلعبين علينا !! منهو زوجك !!
قالت المديرة :وأنا والله
لا تزوجت ولاشي لين الحين عزوبية ووالله
كنت مريضة هاليومين ولكني اطلبككن
المهم الدراهم ( 12000 ريال ) ماراح ترجع
قبل شهر تدفعن على مية ريال نصلح المصلى ولا وحدة
منكن دفعت .. قلت والله لأدفعكن 500 ريال نصلح المصلى ونشتري مصاحف وقف للمسجد
قالن المدرسات : بردها الله بالعافية فداك الدراهم ولو تبين زود عطيناك
هو صدق بس رجالنا ماتزوجوا علينا
منقول
