من المعروف أن المرأة تقدر تتحمل آلام ما يتحملها أقوى الرجال
===============================
يعني الكعب اللي يلبسونه الحريم وكما يسمونه (( الشوكة )) من اسمه يروع
هذا الكعب الله يسلمكم أتحدى رجال يمشي فيه متر واحد
والله إني أستغرب بعض الأحيان
الوحدة تلبسه وتروح مناسبة وإذا رجعت تشفق عليها تقول أسير توهم فاكينه تقعد تتشكى وآآآآآآآي يا ظهري ومقدر أحركه وحاااااالة (( طيب وش اللي حادك يوم تلبسينه ))؟؟
أنا أقولكم ليش عشان تطلع طويلة ورزتها رزة
باختصااااااااار عشان تطلع أحلى...!!!؟؟
=================
صارت مناسبة والبنت تبي تروحها لبست وكشخت وما لقت جزمة (( الله يكرمكم )) تناسب الفستان
وش تسوي لاااااااااااااااااااازم تلبس شي يناسب
تروح تحوس عندأ خواتها تلقى وحده مناسبة تقوسها تطلع ضيقة وعناااااااااااااد
إلا بتدخلها
وأخيرا قدرت تحشرها برجلها
وراحت المناسبة
والمسكينة رجعت ورجلينها وارمة ومحمرة ((والله تكسر الخاطر))
كل هذا عشان الكشخة
عشان تطلع اجمل وأحلى..!؟؟
======================
بعض البنات تلتهب إذنهم من (( الحلق ))
واذا طلعو مكان لازم يلبسون حلقات ولازم نفس لون اللبس
ومايمدي المسكينة ترجع إلا على طول تخلعه ثم تغسل مكانه بماء بارد
وتحط كريم مكانه من الوجع
كل هذا عشان تطلع أحلى..!؟؟
====================
وفيه حلقات نازلة قبل فترة تكون طووووويلة أو حلقة كبيرة
وفي حلقات كبار ما تتحملها الإذن البشرية
يعني يالله إذنين فيل عشان تناسب حجمه
استغرب من اللي يلبسونها خطر تقطع إذنهم
يتحملونها عشان الموضة
عشان يطلعون أحلى..!؟؟
==================
العدسات الملونة ما تناسب عيون الجميع
بعضهم يلبسونها وعيونهم محمممممممممممرة وتدمع وتوجعها
بس المسكينة مقاومة ومتحملة
عشان تطلع أحلى...!!؟؟
==========
وأما التسريحات بالعروس فحدث ولا حرج
يمكن البعض ماقد شاف درازن التوك والبنسات المتروسة في هالتسريحات
يعني لو وحدة تجيها خبطة على راسها يمكن يتخرم من البلاوي اللي تحت التسريحة
وبعض التسريحات ثقيلة ومليانة اكسسوارات وبعضها يوجع الراس ويكون مشدوووووود
طيب لييييييييييش مستحملين العذاب
عشان تطلع أحلى...؟؟؟
===============
والبعض ما يتحمل الشدو أو الظل والكحل لأن عينه حساسة
ويحطونه وعيونهم توجعهم
وترجع البنت وأنواع القطرات وغسول العين من البلاوي اللي حطتها
طيب ليش تحطها وعينها ما تتحمل...!!؟؟
وا خزياااااااه تبونها تروح بدون ما تكمل الميك أب جعل عيونها تنحول أهم شي الكشخة
عشان تطلع أحلى..!!؟؟
================
بعض الحريم تبي تلبس فستان ضيييييييييييق والكرشه ماتساعد ابد
تروح تلبس مشد
ولا يخفى على الجميع ما يسببه المشد من آلام..
يعني ذولا اللي يلبسونه ينرحمون حتى ما يعرفون ياخذون نفس منه
ويمكن ما يتعشون
مافي أمل الفستان بينشق
كل هذا عشان تطلع أحلى....؟؟!!
============
والبعض نفس الشي تنانيرهم ضيقة مرررررررررررررررة
السحاب شوي بينقطع
تلقاهم اذا جو يتعشون فكو السحاب عشان تدخل اللقمة
ياحراااااااااااام ليييييييييييش...!!؟؟
عشان تطلع أكشخ وأحلى..!!؟
