[ يلعن أمك ] صآرت مدحه ..!!

آلسسلآم عليكم ورحمهـ ه آللهـ ه وبركآتهـ ه
بصراحه هالموضوع شدني واحنا غافلين عنه من جد ..




ما تلاحظون إن كلمة
[ يلعن أمك ]
إنتشرت إنتشار غريب و مريب ..


وصار اللي يقولها عااادي جدآ .. كانه قايل


[ السلام عليكم ] ..~


و الأغرب إن اللي تنقال له عادي عنده ..!!


كيف ترضى على أمك ؟! و ليش ؟!


و حتى بعض البنات اللحين بالعكس صارت


عندهم يلعن أمك مدحه ..!!


أو هذا تعبير عن الحماس في سالفة ما !


مثلآ ..


يجي واحد يقول : والله أمس سويت كذا وسويت كذا ..


يجي الثاني يقول : يلعن أمك ياشيخ ..!!


و إذا قال له
[ يلعن أمك ]
مدّ هالخشه شبرين كأنه قايل له شعر يمدحه ..!


و إلاّ بعض الشباب .. واحد يسأل الثاني :


وش رايك باللاعب الفلاني ..؟


يقول : يلعن أمممممممممه يلعب من جد ..!


طيب أبي أفهم .. وش دخل أمه
بالموضوع ..؟!


للأسف الشديد إن الكلمة هذي منتشره عندنا إنتشار كبير ..


و الآن حاصله مع الشباب في جلساتهم ..


فلان : وينك أمس يلعن أمك ؟


علان : أبد رحت مع فلان الله يلعن أمه .


فلان : ليه ماقلتلي إنك بتروح معه الله يلعن أمك أنت ويّاه ؟


علان : وش دراني إنك بتروح يلعن أمك !


فلان : ههههههههههههههههه .


علان : هههههههههااااااااي .


ولا كأنه صار شي !!


وللأسف إنها تقريبآ أكثر كلمة تنقال هالأيام واكثر شي عند الشباب..


وكم واحد تسأله عن هالكلمه .. بيقول لك : صارت عاده ..!


هذا جواب اقبح من ذنب ..


مافيه شي تتعود عليه وإنت تدري انه موب زين ولا تقدر تخليه ..!


يمكن إنت تغفل أو تتغافل عن الذنب اللي تحصله من هالكلمة ..!


بس لا تنسى و إنت تقول هالكلمة أنك تسوي شيء من الكبائر ..


أنت تخيلت معي ..؟!


كبائر الذنوب ..!!


صحّ عنه صلى الله عليه وسلم أنه قال


{ من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .


وش رآيكم ..؟


وش الحل لهذي المشكلة الخطيرة ..؟


يعني لهالدرجة مافيه إحترام ولا تقدير للأم

..؟!

http://samtah.net/vb/image.php?u=303...ine=1290844958
أبو الفلاليح

ما أدري هالناس كيف تفكيرهم
كيف يرضى تُلعن أمه أو يلعن أم آخر
من يلعن أم أحد فهذا له دلاله بأنه لا يقدر أمه ويجلها
لأنه لو عرف قدر الأم ومكانتها وعظمتها لما لعن أم غيره
والمجتمع الذي يرضى أن تتداول فيه مثل هذه الألفاظ
دون إستنكار فهذه والله هي المصيبه والسبب بإنتشارها
نسأل الله العافيه ولا حول ولا قوة إلا بالله

طرح مميز أخوي
وقضية تستحق النقاش والوقوف عندها كثيراً
بارك الله فيك وبقلمك

ودي وتقديري لك

بكل أسف أصبح هذا الأمر ملاحظ ويشاهد وبشكل كبير بين شبابنا
وكأن الأمر عادي جدا فكل منهما يسب أبو وام الطرف الآخر
ويستقبل المر ببرود ويتعامل مع الموضوع بأريحية وكأن الأمر لا يعنيه

.عن عبدالله بن عمرو بن العاص رضي الله عنهما قال :قال صلى الله عليه وسلم ((من الكبائر شتم الرجل والديه ،قالو :يا رسول الله وهل يشتم الرجل والديه؟قال:نعم ،يسب ابا الرجل فيسب اباه ويسب امه فيسب امه))

اهلاً ابو الفلاليح

نعم هي عادة تفشت حتى بين الصغار واصبحت عادية وما يؤسف
هو تلقيها بابتسامة عريضة من الطرفين وكأن الأم والأب لا يعنيا لهم شيئ
شكرا لك ولطرح هذه القضية في المنتدى ,,