رد الاميره كيت على طلاقها من وليام >>ترجمه سعووديه

بسم الله الرحمن الرحيم


[ الترجمه سعوديه ]




بعد زواج دام لخمس اسابيع تم طلاق زواج القرن===> المصدر صحيفة سبق




/
/




صرحت الاميرة كيت بالاسباب الحقيقية لطلاقها من الأمير وليام قائلة



اسمعن ياحريم هذا الرجال وليام عسى الله لايلم له قرش
انا اللي رافعه عليه قضية الخلع
وطلاقي منه ماعليه الحسايف




اعترف اني يوم تلصقت به كنت داخله على باب طمع فيوم اني وافقت عليه..
قلت هااا بتتحقق احلامي التسويقية واكشخ قدام خوياتي وبنات جماعتنا بأمير مزيون



مير اكتشفت اني طبيت في واحد قعيطي بخيل درجه اولى



تخيلو قدام العالم كله قام يلبسني خاتم امه ~~~>ليلة كامله ندور عليه في المستودع



ويوم العرس سويت مكياجي بنفسي لأن اليزابيث رفضت تخليني اروح لمشغل اتمكيج واتميلح زي خلق الله
~~~> عجوز قريح
~~~>ماغير رحت لسوق من ورا اهلي وشريت بودرة وكحل واستشوار سيراميك
~~~> بطلعت روح كملت غريضاتي



ومثل مانتو شايفين ركبوني اهل زوجي سياره ياقدمها مغبررره
قالو ايش إحياء تراث..ياكذبهم بس مايبون يدفعون قيمة البنزين
رغم اني كنت قايلة له استأجر لنا مرسيدس اذا منت قادر تجيب قيمتها
فعصب وقال؛ اييه والله وتطورت منفوحه او تمدنه حميده
انسي هدية الأي فووون وكله من سوالف خوياتي في البي بي
~~>على طول قام ألغى خدمة البلاك هالنذل




أما جدته وعماته اقولها لكم وبصراحه انهن يفشلن وبقوة
يوم العرس مدري وش فيهن لابسات ملابس يلبسنها في كل الزواجات




وبعدين كنت طالبتة يجيب الطقاقة موضي الشمراني والا العنود ورفض
او منيره البخيت من بخت حظي الردي ((
حد يفسرلي هالجملله والله ما فهمتها))



انا وهالرجل بعاطل جلده أقشر اصفر رافض يقدم على برنامج حافز
ويلبس بذلة عسكرية يوم عرسه>>حسباله رايحين ساحه حرب
وطول ايام شهر العسل يتطنز على ركبي يقول وشفيهن سود...>>

جعله الماحي اللي يشيله هو وصلعته ولا فرحان فيها بعد
والله راح افضحه ذا الاحمر العطر؟؟؟؟
وذبحوني بأمه كن مافيه حرمه بالعالم الا هالحرمه
يالله لك الحمد والشكر مثل دجاجه منتوووفه



قالو ايش زواج اسطوري
الا ياعساها من ليلة لا تعود



الخلاصة

/ وهذا المهم (( كلمة في أذن كل عروسة ))
ليس المهم التكاليف والفشخرة << المهم ما بعد الزواج من سعادة أو تعاسة <<< الزواج هو الباب والأهم الدار الذي ستدخليه ..
وأيضا لا تنسين التحصين حتى يحفظك الله من عيون الأنس والجن .. ربما ما اصاب كيت وزوجها حسد لكن نحن عندنا المعوذات بأمر الله تحفظنا ..
ولا تنسي الدعاااااااااااء وآثره الكبير في السعادة الدائمة
وفق الله جميع العرايس ..

//
//
الموضوع لنشر البسمة

بارك الله فيكم
سبحانك اللهم وبحمدك ، أشهد أن لا إله إلا أنت أستغفرك وأتوب إليك

تصدقين انا قلت انها عين وصابتهم على الفرح الاسطوري
::sa03::::sa03::

فين عين يامدللة هذي انظلمت في زواجتها اخس ظلم وهاذي هي طلعت المخبي

اقتباس:

---

المشاركة الأصلية كتبت بواسطة بنت المبارك

فين عين يامدللة هذي انظلمت في زواجتها اخس ظلم وهاذي هي طلعت المخبي

---

متاكدة من مصدر معلوماتك
:fraud:
يمكن العكس
::d::

لا والله من العياال اللي تبنوهم ماابقى ولا عيااال عندهم كلهم تبنوهم
مابقى لا اسود ولاابيض الا وهو معهم في البيت تطلقوولا ماتطلقوو

هههههههههههه,,

لاحوووول مااامدااهم..

ههههههههههههه
وين البنات الغيرانين

هههههه
اضحك الله سنك

عين وصابتهم يهلهله: