لعنبو قصة غرام ...
كل ابوها كلمتين _ !!
ابتدينا عند (( احبك )) .
وانتهينا عند (( باي )) _ _
تونا ما مشينا في الهوى _ _
لو خطوتين .!!
وانتهى الموضوع فجأه ؟
حتى مدري وش خطااااااااي
انتهى الموضوع هيك !!
بكل سهوله تحكمين
وين (احبك) وين (اريدك)...؟
وين ساكن في حشاي
يمكن انك ماوفيتي
يوم جيتي تعشقين ...
ويمكن انك تحسبيني
بتبعك من دون رااااااااااي
ويمكن اصلا ما عشقتي ..!
بس كنتي تلعبين .!
ويمكن انك ماوصلتي ..؟
في هواك ... لمستواي _ !
ويمكن اني ماعرفت ..
في الحقيقه وش تبين !!
ويمكن اني خنت نفسي ..!
يوم عطيتك وفاي ..
علميني في الهوى ياجاهله
وش تعرفين ...؟
تعرفين انك غديتي ....!
شي يجري في دماي !!
علميني في العطا والتضحيه ..
وش تفهمين ..؟
لعنبو حيك عشانك ..!
سبت اقرب اقرباي..
كنت احطك في عيوني !!
تسرحين وتمرحين
كنت اشيل هموم قلبك
وارمي همومي وراي
كنت اطير من السعادهـ
يوم اشوفك تضحكين ..
كنت ذايب في هواكي ...!
مثل سكر وسط ماي ...
كنت نايم في العسل..
وارسم من الفرحه سنين
كنت اظنك قلب عاشق
ماسكن وسطه سواي ..!
ما وعيت الا وانتي ..!
في خفوقي تطعنين ..
ما وعبت الا وسيفك ...!
في الحشا رايح وجاي ...
وردهـ اي والله وردهـ
بس عرفتي تجرحين ..!
كل شي فيني جريح.....
الا فخامة كبريااااااااااااي
ما تأثرت بغيابك !!
ويش يعني دمعتين !!
بكره انسى صدقيني ...
وارجع بكامل قواي ...
ادري ان حنا افترقنا
بس ابفهم حاجتين ..!
علميني وش كسبتي ..
وعلميني وش خطاااااي ..؟
اصلا الموضوع كله ..
ماتعدى كلمتين ...!
التقينا عند (( احبك ))
وافترقنا عند (( بااااااااي )) ...........!
