فيه مره كنت جالس وطفشان من حالي
شوي إلا وألأخ العزيز / أبو زهير
يناديني ويقول
يا صاحبي ويش فيك قاعد لحالك ** ليش انت متضايق ومشغول بالك؟
طنشت ابو زهير وما عبرته ولا عطيته وجه
http://tinypic.com/dfawxd.gif ( يا حبيب قلبي ابو زهير )
http://tinypic.com/dfawxd.gif
رجال ,, وخوي ,, وصديق مخلص ,, وكل شي ٍ زين تلقاه عنده !
بالعكس ما زعل من ولا شيء ,,,,, شوي إلا وهو
مصفط عندي وجايب الشاي والقهوة وعلوم الرجاجيل معه
بس برضه كنت باقي زهقان من روحي ,,, وطفشان ,,, ومتكدر خاطري
مدري ليش ؟
قال لي ابو زهير !! ياشيخ وسع صدرك
ترى الدنيا ماتستاهل كل هالهم والغم اللي انت فيه
وبعدها قال صدقني يابو مراد شكلك تحب وما انت داري !!
قلت له الله يعطيك العافيه ! الحين اللي يحب يسوي كذا
يزهق ويطفش و و و و
فقال لي يا ابو مراد الحب انواع ما هو واحد وبس !
قلت له كيف ؟
فهمني ونورني الله ينور عليك
تعرفني غشيم عن الحب وسواليفه وعلومه
يعني ( الحب في وادي وانا في امثاني )
قال إسمع معي
,
,
,
وأنا اقول لك اقرأ معي
أنواع الحـــــــــــــــــب
حبٍ يشيّب صاحبه وما بَعَدْ شاب ..... وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب ..... وحبٍ يدوم وصاحبه في غيابه
وحب يذوّب خافقٍ ما بعد ذاب ..... وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب ...... وحبٍ يزيدك رغبةٍ في الكتابه
وحبٍ حياته كلّها لوم وِعْتاب ...... وحبٍ حقيقي ما يضرّك عتابه
وحبٍ بلا معنى وحبٍ بلا اسباب ...... يبدا غريب وينتهي في غرابه
وحبٍ ضعيفٍ مثل حبرٍ على كْتاب ..... تمحيه دمعه في ثواني كآبه
وحبٍ قويٍ مثل قصرٍ له ابواب لو ...... هبّ عاتيْ الريح ما اهتز بابه
وحبٍ بداية رحلته نظرة اعجاب ...... واخر مطافه مثل يومٍ بدا به
وحبٍ يعيش بداخل قْلوب الاحباب ...... وحبٍ يشيع وكل حَيٍ درى به
وحبٍ مقامه في ضلوع الصَدِر طاب ..... وحبٍ يعدّي مثل مرّ السحابه
وحبٍ على قبره نعق بوم وغْراب ..... وحبٍ تغنّى به لحون الربابه
وحبٍ بمقدارٍ وحبٍ بلا حْساب ...... وحبٍ بمعروفٍ وحبٍ نهابه
وحبٍ يعيش أهله وسط داره اغراب ..... ويموت قهر ويندفن في ترابه
وحبٍ غدا سرّه سوالف للاجناب ...... وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب ..... وحبٍ يشيب صاحبه في شبابه 