بسم الله الرحمن الرحيم
أعضاء منتديات صامطه الثقافية الكرام
السلام عليكم ورحمة الله وبركاته
من زماااااااان ما كتبت شي
بس صار موقف قبل كم يوم
وصارت أفكار القصيدة في بالي
واليوم لقيت ورقة وقلم قررت
إني اكتبها
وللامانه إلى الآن ما راجعتها
ويارب تعجبكم
الله يستر يا محمد
دخلت غرفتي وهو مع ثوبي بالأحضان
شمّ ريحتي في ثوبي واستراح ونام
يحبني حب ما عمره صار بهالزمان
والله يستر يا محمد من باقي الأيام
شقي وطيّب وغريب الأطوار أحيان
حبّوب وفرفوش بس غصب ينام
سافرنا وبعد خمس ساعات وثمان
غلبه النعاس والتعب بطريق الدمام
أما في خط جده فكان معي سهران
حتى وصلنا بحفظ الله لبيت الأعمام
وبالرجعة كان المسكين شوي تعبان
اخذ علاجه ورجع عند أمه ورا ونام
حسيت بالسفر استغفر الله كأننا بأحزان
لان الكل ساكت وما كان فيه أي كلام
مريت المحطة ما أبغى بنزين للخزان
كان قصدي ينزل معي ويصحصح من المنام
شريت له العاب وعصيرات وكان فرحان
ورجعت الضحكة لرحلتنا ورجع أحلى كلام
هذا هو محمد ولدي سميي أغلى إنسان
وهذه بعض القصص معه محمد والسلام
الجمعة / 12/9/1432 هـ
الثالثة صباحاً
