ودعتهم ربي وانا صرت بالجو
على التي تخطف بحدب الجناحين
تصميمها مصنوع لمسابق الضو
صنعة نصارى لا عباده ولادين
غادرت ارض العاصمه للسماء تو
ساري باذن الله لارض المحبين
كلمت انا الطاقم ترو ما دريتو
اني ابي اوصل وتكفون هالحين
وكلمو الكبتن يشد لو سمحتو
يزود السرعه وانا الدمع بالعين
يهمل على خدي كما جايد النو
للدار والديره ومنهم عزيزين
جابو لي المشروب رديت عشتو
مشروبي المرغوب نظره لغالين
اعلن لنا ربط الحوازم وابقو
حتى نوقف في المنصه بتمكين
فعلا توقفنا وكل البشر جو
وانا خويي مدري عن عالمه وين
دخلت صاله رحبو بي وجابو
شنطة متاعي ثم قالو على فين
جاوبت ياللي رحبوبي سلمتو
انا معي اصحاب بالخط جايين
اللي بلحظة مقدمي ما ستراحو
وافين لو عانو مع الوقت وافين
ماهم من اللي للصداقة تناسو
وباعو مع الايام عهد الوفيين
ماهمهم باللي من البعد قاسو
واعذارهم دايم على طول ناسين
كانوا وحتى لو تبادو وعادو
طبعي انا مالي وما للمقفين
ابيع منهم بأول الوقت باعو
واشري كرامة خاطري بالملايين
