ياليتني كنت الكفن يوم تمشون

ياللي دفنتـوا جثتـه .. ليـه تبكـون ..؟
لولا الحياء .. لأقـول : معكـم خذونـي ..


منه انحرمت وكنت انا عنه مسجـون ..
ما أذكر لمحته .. غير مـره بعيونـي ..


شفته .. وكانت فرحتـي مالهـا لـون ..
عجزت لأوصف .. من لمحته شجوني ..


ياليتني .. كنت الكفـن يـوم تمشـون ..
أبقـى معـه بالقبـر ,, ثـم تدفنـونـي ..


أو ليتني .. من خلفكم كنت (مجنـون)
أتبع خطاكـم والعــذر هـو : جنونـي ..


أبكي وراكم .. وأدعي ان كان تدعون ..
مايكفي انه عـاش عمـره بدونـي ..؟؟


تكفون < هاكم عمري اليـوم تكفـون ..
برخـص حياتـي دام خابـت ظنونـي ..


مافادني صبري !! ولا فادنـي عـون ..
ولا فادني دمع(ن) .. حرق لي جفوني ..


ياما بكيتـه والبكـي يحـرق عيـون ..
ميت أو انه حي .. دمعـي بعيونـي ..!!


العام كان بفرحتـه .. يعـزف لحـون ..
واليوم ؛ تحت الأرض .. ماهو بكوني ..


لكن أنا في فرحتـه .. كنـت مدفـون ..
فوق الثرى .. واليوم موته سجونـي ..


( سميت قلبي عقـب فرقـاه ملعـون )
هو و الليالي .. عن هنـاه امنعونـي ..


ياليتني .. ماعشـت لحظـه بهالكـون ..
وياليت ربعي .. في سكات اذبحونـي ..


وياليتكم .. عن همّي اليـوم تـدرون ..
منه انحرمت > ومن عزاه .. احرموني ..


حتى بوفاته !! يوم أنا طحت مطعـون ..
أخفيت طعناتي .. قبـل لا يفضحونـي ..


بكيت !! لكـن .. ماتظاهـرت بالهـون ..
أبكي وأقول : الموت هو سبة طعونـي ..


وإن كان في حبّـي أنـا .. ماتحسّـون ..
دلوني لقبـره .. وهنـاك .. اتركونـي ..

يااااااه يا فله

قصيدة حزينة رحم الله اموات المسلمين
تذكرت جدي الله يرحمه كم كنت متعلقه فيه
وجدتي الحنونه كم كانت تسعد بقددومنا

رباه ارحمهما رحمة واسعة

دمت بود فله

اقتباس:

---

المشاركة الأصلية كتبت بواسطة فلة";1388035][font="arial

وإن كان في حبّـي أنـا .. ماتحسّـون ..
دلوني لقبـره .. وهنـاك .. اتركونـي ..[/font]

---

رائعه هذه القصيده شكرا لنقلك فله

شكراً فله
نقل رائع

اقتباس:

---

المشاركة الأصلية كتبت بواسطة فلة";1388035][font="arial

ياما بكيتـه والبكـي يحـرق عيـون ..
ميت أو انه حي .. دمعـي بعيونـي ..!!
[/font]

---

الموت حقّ لا يتوقّف عنده إلاّ مؤمن
قصيدة مؤلمة وحزينة .. إبتسمي يا أختاه .

اقتباس:

---

وإن كان في حبّـي أنـا .. ماتحسّـون ..
دلوني لقبـره .. وهنـاك .. اتركونـي ..

---

ونقول انه حق

ولكن يبقى الحق أقوى من قلوبنا

رائع يا مشرفتنا قصيدة الحزن هنا

الاروع مروركم العطر

لاعدمناه00تقديري لكم

جميعاً0

الموت كاس وكل الناس تشربه وقبر دار وكل الناس تسكنهو


شكراٌ فله

شكرا لك " فله "

قصيدة رائعه جدا .!

كل الشكر wr