http://www.alkhubr.net/imgcache2/49657.gif
أحب الناس لا تبطي علينا
ترانا لو شربنا ما ارتوينا
أمني عيني بشوفة جمالك
لعل الوقت يسمح لك تجينا
يفز القلب لك مع كل هاتف
عسى اللي مانسينا ... مانسينا
أنا لك مثل برق في سحابه
تولعني و أصوت بالحنينا
وأنا لك مثل صقر عقب حومه
تنكس لين وقع باليدينا
وانا لك مثل نبت ظامي لك
إذا جاه الوسم عوده يلينا
وانا لك مثل شاعر للقصيدة
يغني لو بكى قلبه حزينا
ترفق ياحسين الدل تكفى
ترى والله ماغيرك بغينا
إذا مرتك نسمة شوق تسري
تراها داعي الاشواق فينا
تلطف ثم تلطف ثم عود
ترى لو شافني صخر يلينا
ولو تسمع نجوم الليل شعري
مشت لك تطلبك ترفق علينا
