السلاااااااااااااااااام عليكم
هذي قصة حقيقية عن زواج بنت ..
هذي البنت سلمكم الله عندها خوات أكبر منها وأصغر منها وهي توها متخرجة من
الثانوي..
المهم بالبيت ما عندهم خدامة كل يوم الدور على وحدة من البنات تطبخ وبعدين
ترمي الزبالة عند الباب..
المهم جا دور هالبنت اللي أتكلم عنها..
كانت سهرانة مع اخواتها الين الساعة 2 الصبح...
وبعدها خواتها طلعوا ينامون فوق...
وهي قعدت تنظف المطبخ وتشطب علي..
وقامت طلعت الزبالة عند الباب ...
المهم البنت قالت ليش أحطها عند الباب..
خليني أتشجع وارميها بالزبالة احس..
وطلعت بره بالشارع وكان الشارع فاضي مرة وكانت الساعة حوالي 3.30 .. المهم يوم
جت تطلع ترمي الزبالة قفل باب بيتهم..
وقعدت المسكينة بالشارع ...
فكرت ترن الجرس..
يس خافت أبوها يهاوشها.. ويسويلها شي (لأن أبوها شديد)...
وطلعت بالشارع ما عليها إلا ! قميصها حق البيت ..
المهم حست أن صوت يقرب..
صوت سيارة!!
قامت مسكت الزبالة وقلبتها ودخلت جوتها..
المهم كان اللي جاي ولد الجيران..
كان توه جاي من استراحة.. -يعني مزرعة-
المهم جا ولد الجيران ووقف السيارة وطلع المفتاح عشان بيدخل للبيت..
إلا يسمع صوت يتحرك بالزبالة؟؟!!
استغرب إن الزبالة مقلوبة قام قرب من عندها ...
و جا بيرفع الزبالة ويزينها ...
إلا صرخت البنت وقالت: لالالالا...
قال: بسم الله الرحمنالرحيم..
إنتي إنس ولا جن!
قالت: والله إنس..
قال إنتي وش جابك هنا؟؟!!...
قالت له القصة وهي متغطية بالزبالة وترجت ولد الجيران يساعدها...
قال: خلاص لا تخافين...
قام قرب سيارته من باب البيت و ركب فوق السيارة ونقز وفتح للبنت الباب..وقالها: ادخلي بسرعة لا احد يشوفك...
قامت مسكينة ماصدقت رمت الزبالة ..
وطلعت كذا قدام ولد جيرانهم
المهم دخلت وقفلت الباب على طوول....
وولد الجيران واقف ما تحرك يناظر فيها..
المهم.. ما مر على هالسالفة يومين إلا جا وخطبها من أبوها وتزوجها...
والله قصة زواج غريبة وعلى فكرة ترى هذي سالفة حقيقية وحصلت بالفعل... واللي
يعيش ياما يشوف ويسمع
