قوية عين؟؟

قصة بنت كانت تطالع واحد بعين قويه


المهم الرجال طلع شاعر

وما قصر فيها كم بيت عشان تتأدب


لكن المفاجأه هي ؟؟؟؟
وش صار؟؟

تابع القصيدة







يقول:




كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون


تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون


وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون


مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون


وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون


وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون


بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون


ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون


وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون


إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون


لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون


آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون


يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟


اتمنى تنال اعجابكم

يا له من موقف صعب يصور عاقبة فهم الاشخاص والمواقف بناء على اوهام راسخه في عقولنا اواستنتاجات متسرعه بعيده عن الواقع
الله يعطيك العافيه اختي خزامى

يعافيك ربي شذى
وطبعا في مجتمعنا الناس ماتقصر كل واحد يشوف الناس على هواه

http://t2.gstatic.com/images?q=tbn:A...ruDwBB1HLCa0zw
قلت سنّـة ها لحيـاة وحـنا ترانـا مؤمنيـن
الله اللـي مسيّرنّـا بيـن كافـ وبيـن نــون



وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون



يعني حنا كل أبونـا عـاد اسمنا بني ادمييـن
وليا قضى ربك أمر وقـال لـه كـن فيكـون
فسامحيني توني ادري اني كفيـــف

سراب1
الف شكر على رووعة الرد
تقديري لك

ياااااه روعه القصيدة والموقف اروع

يعني لو هي تشوف كان غضت طرفها

وما كان في الشاعر حدقت بالعيون

راقت لي كثيرا خزامي
...

يروق لي مرورك ياعسل