تعبت ادوج بالظلمة واساير سطوة الدستور
تعبت اجامل ظروفي واقول ان الفرح باكر
تعبت اجمّع اوراقي وادوور فالقبور صدور
تعبت ادور افراحي والخاطر أهـو الخاطر
تعبت أمني أحلامي وصدري للأماني قبور
غريبة قصة أحلامي تموت بصدري الصابر
تمر الناس مقبرتي ولاتدري بخلف السور
رفات الحب ورفاتي ووجهٍ شاحبُ وغابر
غريبة لييه أنا دايم أدور (فالمقابر) نور
غريبة ليه أنا دايم اشيل الجرح وآكابر
قعدت بروحي أتخيل واشيّد بالخيـال قصور
قعدت أصدق أفكاري واقول اني انا قادر
تصدق وش تخيلتك بلاش ألف والا ادوور
تخيلتك مثل ليلٍ يرووف بضيقة الساهر
تخيلتك تجي يمي وتعكس هالغياب حضور
تخيلتك تجي غيمة وتهدي روحي الماطر
تخيلتك تجي رحمة بوقتٍ كل ابووه قصور
تخيلتك تجي فرحة ولكن ان البخت قاصر
تخيلتك تدورني وتسقي في غيابي زهوور
تخيلتك تفكر بي وتبحث عني وتغامر
تخيلتك وليت انك اذا ضاق الحشا معذور
مادامك تدري بحالي وباحزان الحشا خابر
تموت احلامي الغبرا وتسكن ظلمة الديجور
اعزي خاطري فيها واشيل الروح واسافر
على وين السفر مدري وكاد اني بلف بحور
بسوق أقدامي بنفسي وقدام الهوى وافر
يلوم الناس مكتوبي واقول اني انا مجبور
اخط الحزن بحروفي مدام ان الحزن كافر
واذا وجه الفرحْ بين ابكتب له كثير سطور
ولكن الفرح دايم يقول اني بجي باكر
على الله يافرح وينك تعبنا نكشف المستور
تعبت أدور الصادق ويطلع فالصدق غادر
تعبت اواجه اقرابي بوجه الضايق المكسور
تعبت أحلام ياعمري والخاطر اهو الخاطر
تعال وغير افكاري وعدل صيغة الدستور
تعال وحقق احلامي مدام ان البخت قاصر
كتبت الحب باوراقي وسميت الغياب حضور
اقول انك تبي وصلي وبغيابك ترا حاضر
مما راق لي
