قلبي اللي لواه مْـن الصواديـف لاوي

http://www.7looo.com/up/uploads/13104781231.jpg





قلبي اللي لواه من الصّواديف لاوي

=جرّحته الليالي والحظوظ الرديّه

والله أني بوسط الناس كنّي خَلاوي

=من يلوم المفـَارِق عقب فرقا خويّه

أشهد أن المفَارَق من عظيم البلاوي

=مير هذا نصيبك يا العيون الشقيّه

اتجَـلّـد واقول انّي على البعد قاوي

=والله أعلم بقلب(ن) فيه الأشواق حيّه

كيف راحت يا بوتركي حياتي شقاوي

=وين درب السّعاده والحياة الهنيّه

ليت لأهل الهوى والحب قاضي دعاوي

=كان أداعي عيون اللي فراقه خطيّه

كنّي المبلي اللي قطّعته المكاوي

=كل ما جظّ بالونّات زادوه كيّه

=من يلوم المفـَارِق عقب فرقا خويّه

أشهد أن المفَارَق من عظيم البلاوي
.... اختيار رائع
ومتعب في نفس الوقت ..
.. لا اوجع الله قلبا بالفراق ..
اعجابي ..

الله يسعدكم ويجزاكم خير يارب
على التواجد والمتابعه
بكم نرتقي .. ونبذل العطاء
تحيتي :h27: