نشيد مميز
أمشي مع الهم والأحزان تحرقني
تستنزف الخوف طبعه وابكي الجاني
الليل والجرح واللوعات ترهقني
أبطال قصة مسلسل وسط وجداني
سلوم وش فيك خل الهم واصدقني
شاطرني الهم وأحزانك هي أحزاني
شاطر محمد همومك لاتعلقني
شف شاطي الهم بعدك وين وداني
يامحمد الهم عيا لايفارقني
من يوم راحت همومي ماتعداني
تدري وش اللي ليا راحت يضايقني
أبكي عليها وهي راحت تحداني
ياصاحبي وامسح الدمعة ورافقني
قم وادفن الحزن وانساها على شاني
الهم قبلك من الأحزان طوقني
والحب تنزف جروحه وسط شرياني
أسابق الهم يامحمد ويسبقني
أحاول أنسى رفيق الجرح وأعياني
أنا أشعر انه بدون إحساس يرهقني
من وين ما أخفيت نفسي عنه يلقاني
يامرافق الجرح خل الجرح واصدقني
أرجوك انسى غلاه بواحدٍ ثاني
ان كنت تقدر تحرك لاتوهقني
مقدر اشوف الصديق الوافي يعاني
يامحمد أرجوك نار البعد تحرقني
تعبت أنادي رفيق الدرب وحداني
متى على الله تجي عندي تعانقني
وأذوق طعم السعاده وأطرد أحزاني
