الحب المستحيل للشاعر أحمد بن محمد حّنان

حبك وقلبك ياموادعني بها الكون الكبير
ثنتينى تحبسها عيوني في الدموع الغايله
أخاف أنثرها وأصفى ياحبيبي لك ضرير
ودّي بقربك يافؤادي والخوافي حايله
تنزف جروحي من خفوقي مثل دفقات الصهير
يبان من بعد الصهاره الذهب وأصايله
اللي تبينه أبيه ياعمري وياحبي الكسير
عطني من أطراف ألامل شين لقلبي يشايله
الصبر مفتاح الفرج والعفه في دم الفقير
ثنتيني تنسيك الفرح فوق الدموع السايله
صار التنفس في شراييني شهيق بلا زفير
عد الهموم من ضمنها فوق الديون الهايله
دامك بتعطش في بساتينك ولا حولك غدير
شيل السنام من البعير احسن مايقعد شايله
والدنيا لا زانت بفتره لك تراها تستدير
مثل الهبوب بالخيزران بعد استقامه مايله
عزّي لمن راح العمر وفراشه من دون السرير
فقرات ظهره من تعبها كل أبوها أيله
ماكل بايع للحرير لبسه من أنواع الحرير
كوداللي يشرون الحرير يدّه لنوعه طايله
لاني بأتحدى الفرزدق ولاني ندن لي جرير
كلن بيرسي في بحوره ووالبحور تمايله
كل اللي صاير في دهاليز الزمن لا مايصير
وان صار فتره من الزمان علّه ياربي زايله