تريد أن تصبح مثقفاً مآ عليك ألا إتبآع الآتي‏

✗ ┋ أًتّبَعّ أُلَنَقُأِطَ أًلٌتِأَلٌيّة وَأَنًضّمُ لُعِأُلَمَ أًلُمّثٌقًفّيًنُ ┋ ✗

[ندعوك للتسجيل في المنتدى أو التعريف بنفسك لمعاينة هذه الصورة]

أولآ
امحط اللحية و الشنب

ثآنياً
إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة

ثآلثاً
إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .

رآبعاً
ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل
ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة

خآمساً
إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش

سآدساً
كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف

سآبعاً
خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لا
يحسبونه مقال والا روايه

ثآمناً
انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء

تآسعاً
إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من
معاول هدم اللغة ولابد من إعلان الحرب عليه دون هوادة

عآشراً
إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك
قروي , لا.. وقل الحياة والشرق الأوسط والاقتصادية حتى لو انك مابعد شفتهن على الطبيعة
بس لزوم الثقافة

أحدا عشر
إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له
أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه

إثنى عشر
حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان
مايفهمونها الناس ويتأكدون بما لا يدع مجالا للشك انك من كبار المثقفين


الثالث عشر
لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث ، عشان يقولون واااااو
لغته رااااقية خخخخ

اقتباس:

---

المشاركة الأصلية كتبت بواسطة الانيق البيشي

وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"

---

::sa08::::sa08::::sa08::

هذي شكلها القافهقراطية الجديدة

الحلال بين والحرام بين
ولك تقديري واحترامي

مشكوووؤؤريــــن على مروؤركم الرائع
الله لا يحرمنا من وجودكم
ياارب

لو كل احد سمع هالكلام بيصير مثقف

استفدنا والله ,

الثقافة تجي من الاطلاع والقراءة والبحث عن كل جديد
ووليس بالضرورة اختيار الكلمات الغير مفهومة عشان تكون مثقف
والتصنع في الحديث والافتعال للعبارات المنمقة كما تفضلت

الثقافة من الداخل بتزويد عقلك ما يحتاجه من معرفة وعلوم في اللغة والاطلاع على
اخر التطورات والاحداث باعتقادي

يعطيك العافية على الموضوع اخي
,

اقتباس:

---

المشاركة الأصلية كتبت بواسطة دلال

لو كل احد سمع هالكلام بيصير مثقف

استفدنا والله ,

الثقافة تجي من الاطلاع والقراءة والبحث عن كل جديد
ووليس بالضرورة اختيار الكلمات الغير مفهومة عشان تكون مثقف
والتصنع في الحديث والافتعال للعبارات المنمقة كما تفضلت

الثقافة من الداخل بتزويد عقلك ما يحتاجه من معرفة وعلوم في اللغة والاطلاع على
اخر التطورات والاحداث باعتقادي

يعطيك العافية على الموضوع اخي
,

---

:thumb::thumb::thumb:

سآدساً
كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف



هههههههههههههههههههههههههههههه
بالامانه
هذا عنده افق بعييييييييييييييييد وقوي
ههههههههههههههههههههههههه
هنا الثقافة الحقيقية ان تجيد اسلوب الكتابة الساخره كي توصل فكره رائعه
تسلم يمينك
معلومات في غاية الروعة
مقال ساخر واكلنه في محله
انا ضحكت من صميم القلب

الثقافه أخذ شيء من كل شيء

أما امعط شنبي عشان اصير مثقف سلامات وجهي بيكون طاوه ::d::

أحس أن الموضوع ترفيهي

يعطيك العافيه يا انيق

يعطيك العافيه أخي كلام أستهبال من جد بس توصل المعلومه غصب

تقبل مروري

الثقافه بالقراءة والاطلاع
تعلم قول لا أدري ...
فإنك إن قلت لا أدري علموك حتى تدري !
وإن قلت أدري سألوك حتى لا تدري !

العاقل من يصنع قارباً يعبر به النهر
بدلا من أن يبني حوائط حول نفسه تحميه من
فيضانه !

اقتباس:

---

المشاركة الأصلية كتبت بواسطة دلال

لو كل احد سمع هالكلام بيصير مثقف
استفدنا والله ,
الثقافة تجي من الاطلاع والقراءة والبحث عن كل جديد
ووليس بالضرورة اختيار الكلمات الغير مفهومة عشان تكون مثقف
والتصنع في الحديث والافتعال للعبارات المنمقة كما تفضلت
الثقافة من الداخل بتزويد عقلك ما يحتاجه من معرفة وعلوم في اللغة والاطلاع على
اخر التطورات والاحداث باعتقادي
أوافقك الرأي بقووووووه
:thumb::thumb::thumb::thumb::thumb::thumb::thumb:
,

---

سلمت أناملك

هههههههههه
مشكورين على مرووركم
ياشباب الموضوع ترفيهي
وكله استهبال لا احد ياخذه من جد
ويروح يطبق هههههههه
يعطيكم الف عافيه
تحياتي