(( عيال عبد العزيز ما سوا شئ نبغى الاصلاح ))

(( عيال عبد العزيز ما سوا ولا شئ نبغى اصلاح ))


--------------------------------------------------------------------------------


السلام عليكم ورحمة الله وبركاته .. خوتي .......... هاه خوتي هاه.....


ذهبت اخذ عمرة يوم الخامس والعشرين من رمضان . في السنة السادس والعشرون بعدالاربع مئة والف ....... (((( سيباويه )))

لا تقولون اكتب على شان اوريكم اني اخذت عمره لا . لا .لا . لا .......... لاني استوقفتني بعض الاشياء .

المهم .. كان علي بعض الديون قلت خلني اروح للحرم وامسك في الملتزم وارفع وجهي للسماء وادعي الله ان يفرجها ..

لكن ما امداني لا اوصل للملتزم ولا حتى اشرب من زمزم حتى الركعتين الي بعد الطواف ما لقيت مكان قريب من مقام ابراهيم عليه السلام اصليها فيه .... تدرون ليش

من البشر تقول حج .. ما كنا في رمضان ... تسعين في المائة من المعتمرين من خارج هذا البلد ... عرب على عجم على ترك على فرس على هنود على باكستنان بنقاله .. من افريقيا بجميع دولها .. المهم من كل البلدان الاسلامية .. قلت في نفسي كيف الحج ..


الموضوع الي بغيت اكتبه .. وش هو وشهو .. ايه تذكرت ..

الموضوع .. طبعاً اذن المغرب . وكل من داخل الحرم من معتمرين وعمال وعسكر . الي كانت ايديهم فاضيه ما فيها شي . تملت فجأة من تمر وماء وعلبة لبن . وسنبوسة وشربة .. . لا وتمر محشي بلوز مهو تمر عادي بنواه .. طبعاً وانا واحد منهم جاني نصيبي .. طيب من فين جابوا المعتمرين فطورهم هذا . ولا واحد فيهم خرج خارج الحرم .. سألت انا واحد من الشيوخ الي واقفين مساكين طول اليوم على شان يجاوب عن اي سؤال يخص العمرة او الطواف او السعي . قلت له من الي يوزع هذا الفطور على الناس .. قلي اهل الخير ومن يريد الاجر ..قلت يعني انا اقدر اسوي مثلهم وا اوزع فطور قلي ايه تقدر . واذ ما تقدر توزعها بنفسك هاتها واحنا نوزعها عنك ... اللـــــــــــــــــــــــه

يا سلام ... مركزين معي .. والا لا .. المهم . سألته سؤال واحد عسكري يفتش على الخط ...

انت وين تشتغل يا شيخ .. ابتسم . ليش ابتسم . لانه سؤالي ما قد مر عليه من يوم ما جا الحرم يشتغل فيه قلي اشتغل هنا في الحرم تابع لهيئة الحرم ..


سلمت عليه وكملت فطوري ....... المصيبة بعد الفطور يا ساتر . انقلب بلاط الحرم الي من المرمر . والفسيفساء . والرخام الي المتر قيمته عشرة الاف ريال . اقول انقلب بلاط الحرم مرمى زبايل الماء مكبكب على البلاط والتمر نصه مرمي واللبن مطشوش والشربة تسيل من كل جهة . والسنبوسة مفتفتة على الارض ... يا ســــــــــــــااااااتر شئ مخيف . ولك ان تتخيل .

ما يقارب الخمس مائة الف انسان ياكلون في تلك المساحة ويرمون بعد ما ياكلون مخلافاتهم

اكلهم وصحونهم وكاساتهم . كيف يصبح المكان .. يا الله شئ والله لا يصدق ..


طبعاً انا واحد منهم . قمنا للصلاة . وبعد انتهاء الصلاة . وفجأة ظهر ناس لابسين بدلة كاملة

لونها كحلي . وبعضهم شكلة قديم لون بدلته ازرق . من كثرهم غطوا على اللون الابيض السائد في الحرم . بعضهم معه مساحه وبعضهم معه مادة مطهرة وبعضهم ماء . وهات يا شغل تقل مكاين ... نص ساعة ما كملت الا وكأن الحرم ما جاه احد ولا اكل فيه احد .. يا سلااااااام

رحت عند خوي الشيخ اسأله لانه اعطاني وجه استغليته .. قلت سلام يا شيخ .. قلي هلا بالاردو. مسكين ملخبط . من كثر اللغات الي يسالونه .. عرفني وضحك قلي عجل هات ما عندك

قلت الي نظفوا هاذولي ورجعوا البلاط مثل اول من اهل الخير . متبرع بهم ...ابتسم .. يا زين ابتسامته زيناه ...قلي انت سعودي . قلت ايه قلي اول مرة تجي الحرم .. قلت لا هذي المرة الثلاثين .. قلي وما تدري ان للحرم بلدية تهتم بتنظيفه كل ساعة . وعقد الشركة بملاين الريالات . تاخذها شهرياً . قلت لا ما ادري .. ابتسم . يا زين ابتسامته زيناه . . قلي يا اخي الله يصلحك يعني ما شفت الا النظافه بس يعني انت ما شفت الي حولك هذا كله انت ما قد حجيت قلت لا باقي قريب ان شاء الله قلي اذا حجيت شوف الخدمات الي في الحرم وشوف التعب وشوف المشاعر كلها .. منى وعرفات ومزدلفة والجمرات . وشوف كيف خدمتها وبعدين احكم .. سلمت عليه ورحت... طبعأ هذا شيخ من عشرات الشيوخ الموجودين في الحرم شغلهم الشاغل تصحيح اخطاء المعتمرين . منع البدع والنصيحه والفتوى لكل واحد موجود في الحرم

لانه وانا ماشي كان الاحرام على كتفي . والازار نازل عن سرتي وكانت سرتي مكشوفة ومن زينها عاد .. تقل صامولة كفر مصدية . جاني واحد من الشيوخ الي اتكلم عنهم قلي غطي سرتك الله يجزاك خير السرة عورة ما تعرف حدود العورة . قلت الا بس نسيت قلي غطها الله يجزاك خير .

المهم .. وحدة عجوز مصرية . جالسة على طريق الطائفين وتبغى تصلي . والناس يتحاشوها . ولو استمرت دقيقتين يمكن يدعسونها وتطلع الشربة والسنبوسة الي قبل شوي التهمتها بلاش .
ورمت بالباقي في الارض ونظفوا مكانها ...
جاها احد الشيوخ ومعاه عسكري . وقف العسكري يدافع عنها الناس لا يدعسونها . وهي جالسة تقل دينا مقلوبه . قلها الشيخ قومي يا امي لا يدعسونك روحي هناك صلي قومي بسرعه . هيا قومي . هو يحاول وهي رافضه تقوم . طبعاً هي موقفه السير وساده الخط

وبعد اخذ ورد .. قالت كلمتها المشهورة .. ايه دا ايه دا . يعني الواحد ما يعرفش يصلي في بيت الله . انتوا مبتخافوش ربنا . هو الحرم لكم انتوا السعودين بس .. يالله انا حسيت بقرون تطلع في راسي . وشفت العجوز انقلبت مخلوق غريب مخلوق له قرون وفي ايده عصاية لها شنكار . ويضحك بسنون سوداء وكنت اتمنى اني قريب منها واشوتها شوته لو عادوها بالبطئ برضه ما حد يشوفها . طبعا توقعت الشيخ والعسكري يشوتونها بدالي . بس للاسف . الشيخ يترجاها والعسكري يمشي السير عنها باتجاه ثاني . لانه سوى تحويله عنها ..


وبعد المداولات والاتفاقيات . وافقت الدينا اقصد العجوز ان تقوم وتغير مكانها ..

وهذي حاله من الف حاله تحدث كل ثانية .في الحرم شايب يجلس محل خطأ . معتمر مصمم الى يصلي جنب المقام واحد ماسكه معاه الي يمسح مقام ابراهيم ونفس الشئ عسكري وشيخ يصلحون ما يمكن اصلاحه .. ومعظم كلام هاؤلائي الناس مثل كلام العجوز ..

بالله شفتم ناس مثلنا يقدمون كل تلك الخدمات والتضحيات . وينسبون مثلنا . طبعاً لا

الى متى يا ناس . الى متى يا ناس .. والله مسخوها . يسبونا في كل مكان . حتى اثناء خدمتنا يسبوننا . بدل شكرا .



والله لو بيدي . لحط نظام اي واحد يسب . انقطه واطرده ... اسف احسب نفسي في الغرفة .. اقول لو بيدي . اسوي مثل ما يسون معنا لما نروح عندهم .. نبكيهم . جنوننا واحنا نروح بفلوسنا ونعطيهم وبرضه يقهرونا .. كيف يجون عندنا وبفلوسنا واحنا صابرين

.. تصدقون .. لو عيال عبد العزيز .. ما سوا ولا شئ لهذه الامة الا الي شفته في الحرم بس.. والله لاخذوا اجر عظيم . كيف عاد باقي سواياهم .. حسبنا الله ونعم الوكيل..

من بعض الناس . الي جالسين . شغلهم الشاغل عيال عبد العزيز وتلفيق التهم فيهم وقول زلاتهم

الي ماتساوي ولا ربع زلات من اتهمهم .. والمصيبة الي تقهر .. هذا الكلام يصدر من ناس عايشين

في هذا البلد . طبعاً انا ما اقصد الفقية وفرقته... لا... اقصد ناس عايشين هنا ومسوين نفسهم يحبون البلد وابنائه و يلفون ويدورون ويرددون في كلامهم .. الاصلاح الاصلاح ....

طبعاً من القهر نسيت موضوعي الي رحت على شان ادعي ان الله يفرجها .. والله نسيته ..

دعيت لابن سعود بدل نفسي .. ورجعت .

وسبيت الي في بالي . ما دعيت عليهم بس لا وسبيتهم بعد ..
والعاقل يفهم ..... طولت عليكم .... سامحوني ..... بس والله شئ يقهر ...

حسبنا الله ونعم الوكيل ....

اوكي:اوكي:اوكي:

فيصل والله انت اوكي:

يعطيك 10000000000000000000000000 عافية


الله يفرج همك بحق هذه العشر الفضيلة

ويرفع شأنك


وبس
v

v


v


v



v



v



v


v

يبكي:يبكي:يبكي:


v


v






مع السلامة

الله يجزاك خير اخي شبيه الريح .........

ويعطيك الف مليون وخمسمائة الف مليون عاااااااااااااااااااااااافية .. اشكرك استاذي على مرورك

الله الله يافيصل
اسلوبك حلو جدا
قريت الموضوع كامل وكأني عشت الأحدات معك

تقبل الله يافيصل وعمرة مباركة إن شاء الله

جعله الله في ميزان حسناتك.

تقبل الله منك ومن المسلمين جميعاً..


وفرج الله همك وهم كل مسلم ..


بالنسبة لموضوعك .. الحمدلله الذي رزقنا بنعمة خدمة البيت الحرام..


وقد سمعت ورأيت أشياء لا تصلح للذكر ..



اللهم اهدي أهل البدع طريق الصواب والسنه...





فيصل كل عــــام وأنت بخيــر..

اخي فيصل مبروك العمرة

الله يفرج همومك آمين

وينصرك على من يعاديك

أشكر لك صدق كتابتك

وأحييك ألووووووف المرات على انتمائك ووطنيتك

أعز الله بلادنا من كيد الكائدين

وبارك لنا في حكامنا آل سعود ولاة أمرنا

وأطال في عمر مليكنا خادم الحرمين الشريفين عبدالله بن عبدالعزيز وولي العهد الأمين سلطان بن عبدالعزيز

وجميع أفراد الأسرة الحاكمة

كل السعوديين عيدكم مبارك

اوكي:
موضوع رائع
ومشووووووووووووووووووق
تقبل الله منك
وفرج همك
ونحمد الله على هذه النعمة

اخي واستاذي . مزوام الله يجزاك خير .. ولي الشرف الكبير . لقرائتك لما كتبت

اشكرك جزيل الشكر

استاذي الغالي ابراهيم نعم نحمد الله الذي فضلنا بخدمة البيت الحرام ..

وهذا هو الشرف العظيم ...


اشكرك استاذي الغالي لمرورك وتعليقك .

اخي ابو ضياء .. تقبل الله منا ومنك صالح الاعمال ..

وجزاك الله خير على ما قلت .. واشكرك جزيل الشكر استاذي

اختي الغالية واستاذتي القديرة ... الله يجزاك خير ..

وتقبل الله منا ومنك صالح الاعمال ..

استاذتي القديرة .. اتشرف واعتز بمرورك ..


شكراً استاذتي