(( ابطال في زمن الجبناء ))

السلام عليكم ورحمة الله ..

في احدى المدن الكبرى .. سااسرد لكم ما سرني مساء يوم العيد..

ذهبت لاتناول طعام العشاء في احد المطاعم الممتازة . تعرفون يوم عيد لازم الواحد يكشخ شوي . المهم

دخلت المطعم واتكيت المطعم الذي يستقبلك واحد عند الباب . استقبلني واحد شاب سعودي في ريعيان الشباب بالابتسامة الجميلة . جلست على الطاولة . الا وشاب سعودي اخر يهلي ويرحب بابتسامة ايظا جميلة . ويناولني( المنيو) اسف اقصد قائمة الطعام الموجود . المهم طلبت الي فيه النصيب او بالاصح الي اقدر احاسب عليه . احضر لي هذا الشاب الوسيم المؤدب طعامي . طبعاً بلقافتي المعهودة كانت عندي بعض الاسئلة للشابان السعودين من وقت دخولي المطعم . المهم . قلت يا اخي ممكن سؤال ؟؟ قلي ايوه سعودي . ابتسمت قلت له ايش دراك عن ماذا سأسال . قلي تعودنا على هذا السؤال . وبحكم اني نذل . قلت لا مهو هذا سؤالي . قلي طيب تفضل اسال ما شئت . قلت من متى وانت شغال هنا . قلي سنة . وزميلك قلي خمسة شهور

طيب كيف العمل معاكم . قلي دخل رزق نظيف ... يا سلاااااااااااااااااااااااااااا ام على الجواب . قلت ان شاء الله يكفي بس .قلي كاس ماء احسن من العطش ... الله الله على الكلمات المنتقاة . قلت شهادتك وش هي . قال توجيهي . ومنتسب في الجامعة .قلت وزميلك قلي مثلي بس مهو منتسب . طيب شكراً اسف لازعاجك قلي عادي .

وهو رايح ناديته .. وقلت اخر سؤال . ممكن وان عدتها شيل الاكل واطردني .. ابتسم . العفو تفضل . قلت
سؤال محرج شوي اسمحلي قال عادي تفضل . قلت ما تحس بالحرج لما تباشر على الزبائن . قال يا اخي
ايهما احسن اشتغل حتى ولو فيها مليون حرج والا اجلس في البيت وازيد على امي المسكينة مصروف من تقاعد ابوي المتوفي البالغ الفين وخمس مائة ريال واختين واخوين واجار بيت انت ايش رايك ايش الاحسن
طبعاً لان الدمعة حايرة في عيني تاخر جوابي قليل .ثم قلت لا والله انتا الاحسن واحسن شاب قابلته انتا بطل والله بطل .قلي يا اخي حتى لو امي عندها فلوس تكفينا جميعنا اليس من الخزي ان يذهب عمري وانا جالس وانا رجل في البيت انام واسهر ثم انام هل هذي حياة . اخي الشغل مهو عيب طالما الدخل حلال . الله ما اراد ان اجد عمل جيد وهذا رزقي الي كتبه الله لي . . ثم ذهب . قلت في نفسي روح يا شيخ الله يسعدك وينور طريقك
فين امثالك في هذا الزمن .. طبعاً يا اخوان . هذا نموذج نتمناه كلنا .. ولكن للاسف .
وفيه شباب غيرهم شغالين في اشغال اخرى بس انا مسكت معاية على الاثنين هاذولا وذكروني بالعاطلين الي يتعذرون بالوظيفة
قد يقول قائل وهو لا يفقه من القول قولا . ليش ولد شاب يشتغل في مطعم وهو يعيش في بلد غني ..

واقول انا .وانا افقه القول . ذهبت في رحلة عمل الى اغنى دول العالم من حيث دخل الفرد ومن حيث دخل البلد
وهي اليابان . وانا في الطيارة اقول في نفسي مدري كيف الاجانب عندهم شكلهم بالملاين اذا كان احنا الظعيفين عندنا ثلاثة مليون من اسيا بين قوسين الفقراء في اسيا واربعة من الدول العربية معناته اليابان فيها اقل شئ عشرين مليون اجنبي من اسيا بس . قلت في نفسي يعني البنقاله ورانا ورانا . الله يعين بس . المهم
وصلنا اليابان .. الله الله على اليابان .. الله الله على الفطس .. الله الله على الشعب الي ما يتكلم تقول كلهم بكم.. . .الله الله على الشعب الي يمشي ماسح الطبلون ويدة ثابته ما تتحرك.. مهو مثلنا اذا اسرع الواحد في مشيه يده تتعدى كتفه وهو يلوح بها . الزبدة وصلنا اليابان استقبلونا وودونا الفندق . بعدها قلنا نخرج نشوف العالم . خرجنا نفسي اشوف واحد يهز راسة ابدأ ولا واحد . وكل محل نروح له سؤاءً مطعم او قهوة .او حتى بنشر كله ياباني ياعم . اليابانين ما خذين كل شئ , ويشتغلون اي شغلة .صحيح انك ما تفرق بين العامل والزبون لانهم يتشابهون لكن مسيطرين على الوضع . واحنا راجعين . على كوريا الجنوبية . مثلهم . ومرة رحنا اوربا . الاوربي شغال في كل المجالات . وووو يعني الدول الغنية شعبها يشتغل ما عنده مشكلة . بس احنا مسوين فيها عيب . .. عيب يشتغل الواحد وهو ذابح ابوه بالمصروف لا. و فوقها يقط مع الشباب لو فيه طلعة او اي شئ
والله شعب مدري كيف ماشي . ... عتبي الوحيد على المسؤلين ؟؟ الرواتب يا ليت يزودوها شوي على شان الشاب يقدر يكون نفسه وكذلك الشعب السعودي لا يستحقر اي شاب يحاول ان يعمل مهما كان المجال . حبه حبه يمكن نصير مثل اليابان الشمالية . واضع خط تحت اليابان الشمالية ..

اما الشابان الذين قابلتهم في المطعم.. فهم ابطال في زمن الجبناء .. واقصد الجبناء الذين يستحي من العمل في المطعم ولا يستحي وهو جالس عاطل وينهك ابوه او امه بالمصروف .. اسف للاطالة . وسامحونا