السعودي ...و الأوروبي ....

• أولا :الطفل السعودي من صغره يعني في عمر أربع سنين يلعب بالتراب و يتراجم بالحصى ...بينما الطفل الأوروبي يلعب بالثلج ويسوي رجل الثلج واذا بيلعب مع ربعه يرشهم بالمويه ..

• ثانيا :الطفل السعودي اذا بدا يروح للمدرسة يصحى وهو يصيح و يصارخ وما يرضى الا يعطونه بسكوت كل شوي ..بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم ..ويرجع يعلم أهله وش سوى في المدرسة

• ثالثا: الطفل السعودي في سن عشر سنين جاحد البنت..يا يلعب كوره يا يلعب طيري ..واذا جت البنت يا حياتي تبي تشاركه صارخ في وجهها ( وخري هذي لعبة أولاد مو لعبة بنات روحي العبي بعرايسك ) بينما الطفل الأوروبي في سن عشر سنين يحسب حساب البنت معه قبل أي شي... ويحب إنها تشاركه بألعابه ..
• رابعا : في سن 16- 20 الشاب الأوروبي اذا أعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للإعجاب..بينما الشاب السعودي اذا فرضنا أنه أعجبته بنت مع أنه ما يشوف الا عباية..يعطيها ورقة مشقوقة ..ما يندرى وش عقبه ..مكتوب عليها رقم قمة الرومانسية ...

• خامسا : الشاب الأوروبي اذا حب بنت يقوم يعلم أهله وناسه أن فلانة حبيبته ويصير ما يروح ولا يجي الا معاها ..بينما الشاب السعودي اذا حب واحدة يكتم الأمر ليه ؟؟!
مو علشان التقاليد .. لا علشان يقدر يغازل غيرها ..واذا علم أحد يعلم ربعه الصيع يعني انني مطيح بنات ..

• سادسا : الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها .. بينما الشاب السعودي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر بها من شارع مظلم ويوقف عند بقاله كل أخوياه منرزعين هناك يعني شوفوني مركب بنت ...وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة.

• سابعا: الشاب الأوروبي يجيب لحبيبته هدايا يا ورد يا ساعة يا عطر أو دبدوب ...ويفرح اذا شاف حبيبته تستخدمهم ..بينما الشاب السعودي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على نياتها تحط له كل يومين هدية في محل باسمه وهو يجي ياخذها .

• ثامنا: الشاب الأوروبي لا سمح الله لو تزاعل هو و خويته ولا تفارقوا تلقاه يتعب ويبكي ويقول أنا السبب انا اللي ماعرفت أصونها بينما الشاب السعودي ..اذا خويته انخطبت ولا طنشته وهو أصلا ماعنده نية يتزوجها يبدأ يهدد ترى بأنشر رقمك ترى بأفضحك ..غير الإزعاجات كل يوم وكل ليلة ..على جوالها ( تستاهل أحد قلها تصدق التماسيح ).

• تاسعا : الشاب الأوروبي دايما يسأل حبيبته ..حبيبتي وش رأيك أسوي كذا ولا أشتغل كذا ولا أدرس كذا؟.. بينما المحروس الشاب السعودي ما يسأل البنت الا سؤالين ..تحبيني ولا لا؟.. ...والسؤال الأبيخ ..صديقي يبي يتعرف على بنت ما عندك واحدة من خوياتك أعرفها على خويي ...تراه رهيب.

• عاشرا..وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة ... بينما الشاب السعودي ..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية ...ما بقى الا هي يتزوج بنت كانت تعرف عيال ...

هذي قد تعتبر أهم الفروق بين الشاب السعودي والأوروبي ولا لو بنحصي كان نعد ونغلط ..وفوق هذا كله لهم وجه يحكون فيه ويقولون ليه ما تحبوننا؟ ..من شقارهم ولا عيونهم الزرق ولا وسامتهم.. يالله لك الحمد ماغير ها الكروش .. و السمارة والقرادة والطبع الشين ... وععععععععععععععععععععععععععععععععععععععععععععععععع عععععععععععععععععععععععععععععععععععععععععععععععععع عععععععععععععععععععععععععععععععععععععععععععععععععع ععع
على كل الرجال ... خصوصاًَ ( ط ، ب ، م ، ن ) .